Mikoła Statkievič trapiŭ u balnicu
naviny palitviaźniaŭ
Jon atrymaŭ vytvorčuju traŭmu, na ruku nakładzieny hips.
Eks-kandydat u prezidenty Mikoła Statkievič znachodzicca ŭ miedsančastcy škłoŭskaj kałonii. Pra heta paviedamiła jaho žonka Maryna Adamovič.
U čas pracy na tartaku (lesapilni) u škłoŭskaj kałonii Statkievič atrymaŭ «vytvorčuju traŭmu». «Nam stała viadoma, što jamu pry padciahvańni biarvieńnia da pilni prycisnuła ruku.
Jaho źmiaścili ŭ miedsančastku, na ruku nakładzieny hips», — skazała Adamovič.
«Ja siońnia nakiravała zvarot administracyi škłoŭskaj kałonii z patrabavańniem telefanavańnia. Z 4 žniŭnia ad Statkieviča niama nijakich viestak, za vyklučeńniem jaho sustrečy z advakatam. Ja chaču bolš padrabiazna viedać pra stan jaho zdaroŭja», — zajaviła žonka palityka.
U miežach kryminalnaj spravy ab masavych biesparadkach 19 śniežnia 2010 ŭ Minsku Statkievič asudžany da šaści hadoŭ pazbaŭleńnia voli ŭ kałonii ŭzmocnienaha režymu.