Iryna Chalip atrymała doŭhaterminovaje spatkańnie z Andrejem Sańnikavym
Iryna Chalip adpraviłasia 7 vieraśnia ŭ navapołackuju kałoniju (Viciebskaja vobłaść) na doŭhaterminovaje spatkańnie z mužam, byłym kandydatam u prezidenty Andrejem Sańnikavym.
Chalip sama źjaŭlajecca fihurantam kryminalnaj spravy ab masavych biesparadkach u Minsku 19 śniežnia 2010 hoda. Žurnalistka pryhavorana da dvuch hadoŭ pazbaŭleńnia voli z adterminoŭkaj vykanańnia pakarańnia na dva hady. «Tamu supracoŭniki milicyi, jakija ažyćciaŭlajuć nahlad za mnoj, pavinny vydać mnie maršrutny list, prykładna taki, jaki vydajuć
«Maršrutny list ujaŭlaje saboj prykładna list kamandzirovačnaha ŭ savieckija časy: u im ukazana data asudžeńnia, termin pakarańnia, orhan, jaki vydaŭ hety list. U kałonii ja pavinna zrabić adznaki ŭ administracyi: kali prybyła, kali vybyła. Paśla viartańnia — zdać u milicyju», — rastłumačyła Chalip.
Jana raźličvaje parazmaŭlać z mužam nie «praz škło», a asabista. «
Ja raskažu jamu ab tym, što adbyvałasia apošnim časam, i maju namier pačuć ab tym, što adbyvałasia ź im u źniavoleńni»,— adznačyła Chalip.
Jana nie stała brać z saboj na spatkańnie syna Daniiła. «Heta było b biesčałaviečna — zamykać maleńkaha chłopčyka ŭ maleńkim pakoi ŭ čatyroch ścienach na dvoje sutak. Kali ŭ kałonii ŭ Viciebsku, naprykład, dzie znachodzicca Alaksandr Atroščankaŭ (
Žonka viazie Sańnikavu jaho lubimyja stravy.
«Ja nie viedaju, jak jon usio heta źjeść, ale jamu daviadziecca.Płoŭ, katlety, adbiŭnyja, hulaš. Pirahi ad jaho maci Ały Uładzimiraŭny. I jašče vielmi šmat usialakich łasunkaŭ», — skazała Chalip.
Jana spadziajecca, što spatkańnie projdzie biez uskładnieńniaŭ. Pakinuć kałoniju ŭ Navapołacku jana pavinna 9 vieraśnia.
14 maja sud Partyzanskaha rajona Minska pryhavaryŭ Sańnikava da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. 15 lipienia Minski haradski sud pakinuŭ biez zadavalnieńnia kasacyjnuju skarhu palityka.
Hladzi jašče: Iryna Chalip: Ja nie paznała Sańnikava.