Minsk staŭ adnoj sa stalic polskaj kultury
Na roŭni z Tokia, Kijevam, Piekinam, Maskvoj, Bierlinam, Bruselem, Madrydam, Paryžam i Łondanam.
Na roŭni z Tokia, Kijevam, Piekinam, Maskvoj, Bierlinam, Bruselem, Madrydam, Paryžam i Łondanam.
U Minsku prajšła prezientacyja mižnarodnaj kulturnaj prahramy polskaha staršynstva ŭ Jeŭrapiejskim Sajuzie. Śpiecyjalna dla hetaha pryjechaŭ «ambasadar polskaj kultury» kinarežysior Kšyštaf Zanusi. Jon adznačyŭ, što takija mierapryjemstvy dajuć mahčymaść «pakazać našy dasiahnieńni, pachvalicca» kulturaj. A razam z tym i nadać stymuł biełarusam, kab jany taksama chacieli siabie pakazvać u śviecie.
«Kultury pastajanna supierničajuć: adny padymajucca, inšyja padajuć». Pa jaho słovach, heta niepaźbiežnaść. I nielha admiažoŭvać adnu ad adnoj. «Chto zakryvaje miežy — toj zamarudžvaje jaje [kultury] raźvićcio».
Dziesiać stalić abjadanali sotniami mierapryjemstvaŭ: taki maštab prezientacyi polskaj kultury ciaham vieraśnia-śniežnia. U Biełarusi ž ich budzie nie mienš za tryccać.
U Minsku adbudziecca prezientacyja aŭdyjoknihi i čatyrochtomnaha vydańnia tvoraŭ Česłava Miłaša, kancert z tvoraŭ Karala Šymanoŭskaha, kampazitara, «druhoha paśla Fryderyka Šapena», śpiektakl «Płanieta Lem», kancert hurtu Zakopower, vystava žyvapisu Fierdynanda Ruščyca (u Biełarusi zachoŭvajecca tolki adna jaho karcina)…
Paznajomicca z poŭnym pieralikam mierapryjemtsvaŭ i ich raskładam možna tut.
«Płanieta Lem», rolik da śpiektakla.
Zakopower — Boso.