Najbujniejšyja katastrofy Jak-42
Pieršaja ź ich zdaryłasia nad Biełaruśsiu ŭ 1982 hodzie.
28 červienia 1982 hoda — samalot upaŭ na terytoryi Homielskaj vobłaści z vyšyni 10 kiłamietraŭ. Zahinuli ŭsie 132 čałavieki, jakija znachodzilisia na borcie. Ekspłuatacyja Jak-42 była prypynienaja na 2 hady da ŭniasieńnia źmianieńniaŭ u kanstrukcyju.
31 lipienia 1992 h. — Jak-42 raźbiŭsia pry ŭźlocie z horada Nankin na poŭdni Kitaja z-za admovy techniki. Zahinuli 108 čałaviek, paciarpieli 18.
21 listapada 1993 h. — samalot, jaki vykonvaŭ rejs Ženieva—Skopje, urezaŭsia ŭ haru ŭ rajonie makiedonskaha horada Ochryd. Zahinuli 115 čałaviek z 116, što znachodzilisia na borcie.
17 śniežnia 1997 h. — u vyniku pamyłki pry zachodzie na druhoje koła samalot urezaŭsia ŭ haru niepadalok ad hreckich Sałonik i abrušyŭsia. Zahinuli ŭsie 70 čałaviek, jakija znachodzilisia na borcie.
26 maja 2003 h. — samalot ź ispanskimi vajskoŭcami na borcie, jaki vykonvaŭ rejs Kabuł-Biškiek-Trabzon-Sarahosa, urezaŭsia ŭ haru pry zachodzie na pasadku ŭ tumanie. Zahinuli ŭsie 75 pasažyraŭ.
Z ulikam apošniaj katastrofy, za ŭsiu historyju ekspłuatacyi samalotaŭ Jak-42 (z 1980 hoda) było stračana dzieviać pavietranych sudoŭ hetaha typu. U vyniku zahinuli 562 čałavieki.
***
Jak-42 — pasažyrski samalot, vypuskaŭsia u 1980—2002 hh. Vytvorca — Vopytna-kanstruktarskaje biuro imia Jakaŭleva. Maksimalnaja kolkaść pasažyraŭ — 120 čałaviek.