Rusłan Salej ŭsio ž taki byŭ u śpisie pasažyraŭ taho samalota
Pra heta paviedamili ŭ Fiederacyi chakieja Biełarusi.
Mieniedžar pa suviaziach z hramadskaściu Fiederacyi chakieja Biełarusi Kanstancyja Leščanka nie paćvierdziła «Iźviestijam» infarmacyju, što hulca «Łakamatyva» biełarusa Rusłana Saleja mahło nie być na borcie samalota, jaki raźbiŭsia, bo nibyta jon pajechaŭ na radzimu ciahnikom jašče za sutki da hulni.
«Na žal, ale Salej u dzień vyletu byŭ u Jarasłaŭli, treniravaŭsia z kamandaj i byŭ zarehistravany na rejs.My ŭžo źviazalisia ź jaho svajakami. Nijakaj suciašalnaj infarmacyi niama», — skazała jana.
U 19:52 MNS Rasii apublikavała abnoŭlenyja śpisy pasažyraŭ i členaŭ ekipaža. Rusłan Salej i Siarhiej Astapčuk — siarod ich.
Raniej paviedamlałasia, što Rusłan Salej pryjechaŭ u Minsk raniej i jaho nie było ŭ samalocie.