Znoŭ vyraśli ceny na chleb, małočnaje i miasa
Na miasa da 20%, na chleb i małako da 10%.
U Biełarusi 20 vieraśnia pavyšany adpusknyja ceny na chleb, małočnuju pradukcyju i miasa. Takoje rašeńnie źmiaščajecca ŭ pastanovie Minekanomiki №153 ad 19 vieraśnia 2011 hoda, apublikavanym na Nacyjanalnym pravavym internet-partale.
"Dadatkova z 20 vieraśnia pavyšajucca hraničnyja maksimalnyja adpusknyja ceny na chleb žytni i žytni-pšaničny, batony i vypiečku z pšaničnaj muki vahoj 300 hramaŭ i bolej, małako karovina pasteryzavanaje i kiefir da 3,5% uklučna, śmiatanu tłustaściu da 25% uklučna, tvaroh tłustaściu da 9% ŭklučna biez smakavych dabavak i napaŭnialnikaŭ - da 10%. Na jałavičynu patušnuju (u paŭtušach i čaćviarcinkach), śvininu patušnuju (u tušach i paŭtušach), bujnakavałkavy miasakosny paŭfabrykat ŭ vyhladzie adrubaŭ sa śvininy - da 20%", - havorycca ŭ dakumiencie.
Nahadajem, adpusknyja ceny na chleb i małočnuju pradukcyju pavyšalisia na 5% u pačatku vieraśnia, na miasa na 10% - u kancy žniŭnia.
Pavodle infarmacyi Biełstata, spažyvieckija ceny na tavary i płatnyja pasłuhi z pačatku vieraśnia vyraśli na 6,4%. Za studzień-žnivień 2011 hoda spažyvieckija ceny vyraśli na 53,6%.