U Breście zatrymali pjanoha kiroŭcu maršrutki, jaki vioz pasažyraŭ
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, ranicaj 19 vieraśnia, u 8.15 na vulicy Maskoŭskaj supracoŭniki mižrajonnaha adździeła DAI UUS Bresckaha abłvykankama spynili maršrutnaje taksi, jakoje ruchałasia pa maršrucie № 6 z pasažyrami. DAI pravodziła štodzionny rejd pa kantroli darožnaha ruchu maršrutnych transpartnych srodkaŭ ekspresnaha pryznačeńnia.
Padčas pravierki dakumientaŭ u
«U supracoŭnikaŭ DAI vyklikaŭ padazreńnie źniešni vyhlad kiroŭcy. Pasažyraŭ vysadzili, i jany praciahnuli pajezdku na inšym transpartnym srodku ekspresnaha pryznačeńnia, — paviedamiła Sacharčuk. — Vadziciela nakiravali na miedycynskim ahlad, jaki ŭstanaviŭ najaŭnaść u jaho 0,77 pramile ałkaholu».
«Haziel» dastaŭlena na štrafstajanku. U dačynieńni da kiroŭcy składzieny pratakoł na padstavie č. 1 art. 18.16 KoAP (kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia).
Jak zaznačyła Sacharčuk, heta pieršy taki vypadak z pačatku hetaha hoda ŭ Breście.