Aktyvistku demakratyčnaha ruchu milicyja papiaredziła ab nieabchodnaści znachodžańnia doma viečaram 21 vieraśnia

Homielskuju aktyvistku maładziožnaha demakratyčnaha ruchu Ksieniju Jarasłaŭcavu ŭčastkovy milicyjanier papiaredziŭ, što viečaram 21 vieraśnia jana pavinna być doma. U hety dzień u horadzie płanujecca praviadzieńnie čarhovaj akcyi maŭklivaha pratestu.

«Pryjšoŭ siońnia ŭčastkovy i zajaviŭ,

što maim dziciem, jakomu dva hady dzieviać miesiacaŭ, cikavicca inśpiektar pa spravach niepaŭnaletnich.

Pavodle jaje słoŭ, siamja jaje žyvie dobra, na jakim-niebudź uliku nie znachodzicca. Aktyvistka źviazvaje takuju ŭvahu da jaje siamji z tym, što była zatrymana 5 vieraśnia. «Sa mnoj na minułym tydni ŭ milicyi hutaryŭ nieviadomy, jaki nazvaŭsia supracoŭnikam KDB. Mužčyna prapanavaŭ mnie supracoŭničać, heta značyć špijonić i danosić na maich siabroŭ i znajomych. Jon pahražaŭ, što pry admovie ŭ mianie buduć prablemy pry ŭładkavańni na pracu abo vučobu, nahadvaŭ, što ŭ mianie jość dzicia i mnie treba padumać pra jaho. Ja, viadoma, advierhła hetuju prapanovu. Voś, napeŭna, i pačalisia prablemy z-za admovy danosić na ludziej», — skazała Jarasłaŭcava.

Jak užo paviedamlałasia, 19 vieraśnia dva homielskija aktyvisty — Dźmitryj Šaŭčenka i Dźmitryj Karaškoŭ — byli pakaranyja aryštam terminam na 15 i 3 sutak za raspaŭsiudžvańnie infarmacyjnych materyjałaŭ pra akcyju 21 vieraśnia.

Kamientary da artykuła