Pačobut: skarha na prysud na 16 staronkach
Siońnia, 20 vieraśnia, na 9:30 u Hrodzienskim abłasnym sudzie pryznačany razhlad kasacyjnaj skarhi žurnalista Andreja Pačobuta. Jon abskardžvaje svoj prysud, vyniesieny 5 lipienia ŭ Leninskim rajonnym sudzie Hrodna: try hady źniavoleńnia z adterminoŭkaj pakarańnia na dva hady.
Karespandenta polskaj «Hazety vyborčaj» Andreja Pačobuta sudzili pa abvinavačańni ŭ abrazie i paklopie na prezidenta Biełarusi. Žurnalista try miesiacy trymali za kratami, pakul išło śledstva.
5 lipienia jaho vyzvalili ŭ sudovaj zali.
Pačobut paviedamiŭ, što kasacyjnaja skarha składzienaja na šasnaccaci staronkach. U joj padrabiazna havorycca pra parušeńni, jakija, pavodle Pačobuta, byli dapuščanyja śledčymi KDB i prakuratury.
Žurnalist zaznačaje: u sudzie jamu skazali napačatku, što skarha budzie razhledžanaja ciaham miesiacu, ale z času jaje padačy minuła bolš za dva miesiacy.