Polski pasoł ustrymaŭsia ad rezkich zajavaŭ

Šarepka adznačyŭ, što polski bok nie budzie damahacca abviaržeńnia ŭčarašniaha siužeta.

Pravy biełaruskaj nacmienšaści ŭ Polščy nie parušajucca, zajaviŭ polski pasoł u Biełarusi Lešak Šarepka 19 vieraśnia na pres-kanfierencyi ŭ Minsku.

Dypłamat rastłumačyŭ, što siońniašniaja pres-kanfierencyja była sklikana z-za siužeta, jaki byŭ pakazany 18 vieraśnia ŭ prahramie «U centry ŭvahi» pa Pieršym kanale Biełaruskaha telebačańnia. U hetym siužecie zakranałasia tema biełaruskaj nacyjanalnaj mienšaści ŭ Polščy i losu biełaruskaha kulturnaha centra, jaki płanujecca pieranieści ŭ Biełastoka ŭ Varšavu.

«Zvyčajna my nie sprabujem kamientavać siužety BT, ale toje, što było ŭčora, vyjšła za miežy prystojnaści,

Jon padkreśliŭ, što Biełaruś i Polšča praviali šerah kansultacyj pa pytańni statusu i dalejšaha losu Polskaha instytuta ŭ Minsku i biełaruskaha kulturnaha centra ŭ Polščy. Pavodle jaho słoŭ, užo raspracavany prajekt pahadnieńnia pa hetym pytańni, jakoje, jak spadziajecca pasoł, moža być padpisana da kanca hoda.

«Što da padtrymki nacyjanalnaj mienšaści, to kali ja paraŭnoŭvaju ŭmovy dapamohi polskaj mienšaści tut i biełaruskaj u Polščy, to mahu skazać, što my robim značna bolš», — skazaŭ jon.

Šarepka adznačyŭ, što polski bok nie budzie damahacca abviaržeńnia ŭčarašniaha siužeta. «U nas užo jość niehatyŭny vopyt u takich spravach, tamu dla daniasieńnia svajoj pazicyi my vyrašyli pravieści hetu pres-kanfierencyju, a nie sprabavać damahčysia abviaržeńnia», — zajaviŭ pasoł.

U cełym stvaryłasia ŭražańnie, što napačatku pasoł mieŭ namier vystupić z rezkaj zajavaj, tamu i sklikaŭ terminovuju pres-kanfierencyju — redki vypadak, ale ŭrešcie vyrašyŭ ad rezkaściaŭ utrymacca.

Adnosiny miž Minskam i Varšavaj zastajucca napružanymi. Antypolskaj prapahandy ŭ łukašenkaŭskich ŚMI zastajecca našmat bolš, čym antyjeŭrapiejskaj ahułam.

Kamientary da artykuła