U Biełarusi pačnuć vyrablać svaju čornuju ikru
U rybhasie «Sialec», što pad Biarozaj, kultyvujucca nie tolki tradycyjnyja karp, bieły amur, taŭstałobik, karaś i ščupak. Tut pačali aktyŭnaje raźviadzieńnie kaštoŭnych vidaŭ ryby — viesłanosa, lenskaha asiatra, bieściera, ścierladzi, białuhi, vialikarotaha bufała. Sioleta ŭ rybhasie majuć vyhadavać kala 100 ton asiatrovych vidaŭ ryb. Darahija i kaštoŭnyja vidy ryb u Biełarusi pradajucca nie vielmi dobra — narod biedny, zatoje na hetyja prysmaki jość popyt za miažoj. Ekspart ryby i rybapraduktaŭ u Rasiju i Litvu z rybhasa «Sialec» składzie sioleta kala 5000 ton.
Ciapier u rybhasie praciahvajecca dapracoŭka abstalavańnia, z dapamohaj jakoha ŭžo praz hod mahčyma budzie z ułasnaj ryby atrymlivać pramysłovuju tavarnuju čornuju ikru.