Hrecyja rychtuje refierendum pa admovie ad jeŭra
Prem'Hetaje rašeńnie było pryniataje pad ciskam zamiežnych kredytoraŭ i hramadzian krainy, niezadavolenych mierami žorstkaj ekanomii, piša hreckaja hazieta Kathimerini.jer-ministr Hrecyi Hieorhijas Papandreu maje namier vynieści na refierendum pytańnie ab vychadzie Hrecyi ź jeŭrazony i viartańni nacyjanalnaj valuty.
Kiraŭnik urada raźličvaje, što vyniki ŭsienarodnaha hałasavańnia dazvolać kabinietu ministraŭ paśpiachova praciahnuć pieraadoleńnie deficytu biudžetu i pahašeńnie zamiežnaha doŭhu za košt niepapularnych siarod nasielnictva Hrecyi mier.
Zakonaprajekt ab praviadzieńni refierendumu z nahody mahčymaj admovy Hrecyi ad jeŭra budzie ŭniesieny na razhlad u parłamient krainy ŭ najbližejšyja dni.
Čalcy ŭrada abmierkavali refierendum na ekstranym pasiedžańni ŭ niadzielu, 18 vieraśnia. Ministr unutranych spravaŭ Charys Kastanidzis vykazaŭ mierkavańnie, što
kali hreki prahałasujuć za viartańnie da nacyjanalnaj valuty, u krainie daviadziecca abviaščać daterminovyja vybary. Ministr sielskaj haspadarki Kostas Skandalidzis, u svaju čarhu, zaklikaŭ refierendum nie pravodzić, a adrazu pierajści da daterminovych vybaraŭ.
Nahadajem, 19 vieraśnia mižnarodnyja kredytory Hrecyi — Jeŭrasajuz i MVF — padali ŭładam hetaj krainy śpis z 15 mieraŭ pa skaračeńni biudžetnaha deficytu, realizacyju jakich nieabchodna paskoryć, kab Hrecyja zmahła atrymać nastupny kredytny tranš pa prahramie finansavaj dapamohi na 110 młrd jeŭra.
Zhodna z dakumientam Hrecyja pavinna pravieści skaračeńnie biudžetnikaŭ, zrezać ci chacia b zamarozić akłady dziaržsłužboŭcaŭ i skaracić vydatki na achovu zdaroŭja. Akramia taho, ES i MVF nastojvajuć na padvyšeńni taryfaŭ na ciepłavuju enierhiju, likvidacyi stratnych dziaržpradpryjemstvaŭ i paskareńni prahramy pryvatyzacyi.