Bank, što vydaŭ infarmacyju pra rachunki Bialackaha, mianiaje nazvu
Adziny akcyjanier banka DnB Nord - narviežski DnB NOR Bank AS - vyrašyŭ źmianić nazvu banka na DNB.
«Novaja nazva banka padkreślić, što bank naležyć najbujniejšaj hrupie finansavych pasłuh Narviehii, jakaja va ŭsich naležačych joj bankach u 19 krainach śvietu budzie paśladoŭna raźvivać kulturu pasłuh i absłuhoŭvańnia klijentaŭ», - skazaŭ prezident i staršynia praŭleńnia DnB Nord Bjornar Łund.
Novaja nazva banka budzie vykarystoŭvacca paśla atrymańnia dazvołu Litoŭskaha banka i rehistracyi źmienienaha statuta banka ŭ Rejestry jurydyčnych asob z 11 listapada 2011 hoda.
DNB buduć nazyvacca ŭsie naležačyja hrupie finansavych pasłuh DnB NOR banki i daččynyja pradpryjemstvy ŭ Narviehii i inšych krainach, dzie pracuje hrupa.
Paśla źmieny nazvy banka numary rachunkaŭ klijentaŭ zastanucca raniejšymi, buduć sapraŭdnyja ŭsie zaklučanyja damovy, karty apłaty,ŭsie pasłuhi buduć pradastaŭlacca ŭ zvyčajnym paradku. Raniejšym zastaniecca i adras, jurydyčny status, kod jurydyčnaj asoby, kod padatkapłacielščyka PDV, paviedamlaje delfi.
Nahadajem, što Biełarusi była pieradadzienaja i infarmacyja ab pryvatnych rachunkach, adkrytych na imia pravabaroncy Alesia Bialackaha i niekatorych inšych biełaruskich pravaabaroncaŭ u Litvie bankami «DnB NORD» i «SEB».