Vykazvańni ministra Bilta byli ŭtryravany

Pra heta «Našaj Nivie» raskazali ŭdzielniki sustrečy ŭ Stakholmie.

Spravazdača «Chartyi-97» sa spatkańnia ź ministram zamiežnych spravaŭ Šviecyi mieła zahałovak «Karł Bilt: Łukašenka moža źbiehčy ź Biełarusi».

Jak paviedamili «Našaj Nivie» inšyja ŭdzielniki sustrečy, heta nie adekvatny akcent. Hetaja fraza prahučała ŭ časie abmienu replikami ŭsiaho tolki jak pabiežny žart.

U časie sustrečy Bilt vykazaŭ upeŭnienaść, što «ŭsie palitviaźni ŭ Biełarusi vyjduć na svabodu ciaham dvuch tydniaŭ», a taksama padkreśliŭ, što hałoŭnaje — kab Biełaruś zachavała niezaležnaść i jeŭrapiejskaść.

Karł Bilt — vidny jeŭrapiejski intelektuał. Jak ministr zamiežnych spraŭ, jon adzin z aŭtaraŭ jeŭrapiejskaj palityki ŭ dačynieńni da Biełarusi.

Kamientary da artykuła