Łukašenka vyznačyŭ miescam raźmiaščeńnia AES ziamielny ŭčastak u Astravieckim rajonie

20.09.2011 / 12:33

Alaksandr Łukašenka padpisaŭ ukaz «Ab raźmiaščeńni i prajektavańni atamnaj elektrastancyi ŭ Biełarusi». Ukaz № 418 ad 15 vieraśnia raźmieščany na Nacyjanalnym pravavym internet-partale.

Dakumient vyznačaje «miescam raźmiaščeńnia ŭźviadzieńnia atamnaj elektrastancyi ziamielny ŭčastak u Astravieckim rajonie Hrodzienskaj vobłaści ahulnaj płoščaj 449,94 ha,

što ŭ 1,5 km na paŭnočny ŭschod ad vioski Babroŭniki i na poŭdzień ad vioski Avieny,

abmiežavany na paŭnočnym zachadzie aŭtamabilnaj darahoj vioski Šulniki — vioski Avieny, na zachadzie — aŭtamabilnaj darohaj Hoza — AES — Astraviec ad aŭtamabilnaj darohi R-45, na paŭnočnym uschodzie — aŭtamabilnaj darohaj N-6223 (Miślany — Šulniki — Avieny — Valejkuny), na poŭdni, paŭdniovym zachadzie, zachadzie — aŭtamabilnaj darohaj ad aŭtamabilnaj darohi N-6223 vioski Rudziški — chutar Babroŭniki i ziemlami sielskahaspadarčaha vytvorčaha kaapieratyva «Varniany».

Pad zbudavańniem atamnaj elektrastancyi, zhodna z ukazam, padrazumiavajecca «vyrab i zborka vuzłoŭ atamnaj elektrastancyi, budaŭnictva i ŭźviadzieńnie kamunikacyj, ustanoŭka vuzłoŭ i abstalavańnia, praviadzieńnie adpaviednych vyprabavańniaŭ».

Ukazam taksama pastanaŭlajecca ažyćciavić prajektavańnie AES z ulikam vyznačanaha miesca raźmiaščeńnia ziamielnaha ŭčastku ŭ adpaviednaści z zakanadaŭstvam Biełarusi i mižnarodnymi dahavorami krainy.

Miery pa realizacyi ŭkaza pavinny być pryniaty Savietam ministraŭ Biełarusi i Hrodzienskim abłvykankamam u dvuchmiesiačny termin.

Čytajcie taksama:

Kamientary da artykuła