Maładafrontaŭcy praviali šerah akcyj 19 vieraśnia

Akcyi byli prymierkavanyja da 20-j hadaviny pryznańnia bieł-čyrvona-biełaha ściaha i hierba «Pahonia» dziaržaŭnymi simvałami Biełarusi. Akcyi prajšli ŭ Minsku, Žodzinie, Homieli, Mazyry, Navapołacku, Žłobinie.

Bieł-čyrvona-biełyja ściahi byli vyviešanyja ŭ Minsku, Žodzinie, Mazyry, Žłobinie. U Homieli i Navapołackku źjavilisia hrafici ŭ vyhladzie «Pahoni».

Nahadajem, što adna z akcyj u Minsku była azmročanaja zatrymańniami. Ranicaj u paniadziełak byli zatrymanyja Nasta Pałažanka i Uładzimir Jaromienka, paźniej asudžanyja na 11 i 12 sutak administracyjnaha aryštu.

Ranicaj 19 vieraśnia Moładź BNF taksama praviała akcyju, pryśviečanuju Dniu hierba i ściaha. Na moście nad Mienskaj kalcavoj darohaj la aŭtastancyi Sucharava-6 byli vyviešany bieł-čyrvona-biełyja ściahi.

Kamientary da artykuła