Dźmitryj Kanavałaŭ admoviŭsia davać pakazańni na sudzie ab terakcie ŭ mietro
Spasłaŭšysia na svajo zakonnaje prava nie davać pakazańniaŭ suprać siabie.
Dźmitryj Kanavałaŭ, hałoŭny abvinavačvany pa spravie ab terakcie ŭ Minsku, admoviŭsia ad dačy pakazańniaŭ u sudzie. Ab hetym jon zajaviŭ 20 vieraśnia na pasiadžeńni Viarchoŭnaha suda, jakoje prachodzić u Domie pravasudździa, spasłaŭšysia na svajo zakonnaje prava nie davać pakazańniaŭ suprać siabie.
Staršynia ŭ sudzie Alaksandr Fiedarcoŭ rastłumačyŭ, što ŭ takim razie sud zasłuchaje pratakoły dopytu Kanavałava z papiaredniaha śledstva i prahledzić videazapisy jaho dopytaŭ.
Kanavałaŭ taksama admoviŭsia adkazvać na pytańni paśla abviaščeńnia materyjałaŭ papiaredniaha śledstva.
U sudzie byŭ začytany pieršy pratakoł, u jakim Kanavałaŭ pakazaŭ, što sam zrabiŭ vybuchnuju pryładu, pryjechaŭ ź joj u Minsk, prykładna ŭ 18.00 spuściŭsia na stancyju mietro «Frunzienskaja», dajechaŭ da stancyi mietro «Kupałaŭskaja», pierajšoŭ na stancyju mietro «Kastryčnickaja» i šlacham nacisku knopki pryvioŭ u dziejańnie vybuchovuju pryładu. Jak vynikaje z pratakoła dopytu, u Minsk Kanavałaŭ pryjechaŭ z metaj učynieńnia teraktu ŭ mietro, asnoŭnaj jaho metaj była destabilizacyja situacyi ŭ Biełarusi.
Abvinavačvany taksama pakazaŭ, što 3 lipienia 2008 hoda jon vyrabiŭ dźvie vybuchovyja pryłady, adnu ź jakich pryvioŭ u dziejańnie na śviacie z nahody Dnia Niezaležnaści ŭ Minsku. Zatym jon pajšoŭ za druhoj vybuchovaj pryładaj, jakuju taksama ŭstanaviŭ u rajonie praviadzieńnia śviata, ale heta pryłada nie spracavała.
Jak vynikaje z pratakoła, Kanavałaŭ pryznaŭsia, što chacieŭ, kab paciarpieli ludzi. Jon razumieŭ, što jaho dziejańni prynosiać škodu nasielnictvu Biełarusi. Jon taksama pryznaŭsia, što ažyćciaviŭ dva vybuchi ŭ Viciebsku z metaj destabilizacyi stanovišča ŭ horadzie.
Ciapier u sudzie prachodzić prahlad videamateryjałaŭ dopytu Kanavałava.