U Viciebsku pačynajecca sud nad milicyjanieram, jaki nie adkataŭ palcy Kanavałavu

26 vieraśnia ŭ Viciebskim abłasnym sudzie zapłanavany razhlad spravy suprać ekśpierta, jaki nie pravioŭ daktyłaskapiju Dźmitryja Kanavałava. Milicyjaniera vinavaciać u słužbovaj niadbajnaści.

Dźmitryj Kanavałaŭ — hałoŭny padazravany ŭ spravie vybuchaŭ u Viciebsku (14 i 22 vieraśnia 2005 hoda) i ŭ Minsku (3 lipienia 2008 hoda), a taksama ŭ terakcie na stancyi mietro «Kastryčnickaja» 11 krasavika 2011 hodu.

21 vieraśnia na pracesie Kavalova-Kanavałava, jaki hetymi dniami adbyvajecca ŭ minskim Domie pravasudzia, ahučyli pratakoł dopytu 28 krasavika. Kanavałaŭ raspavioŭ, jak abminuŭ abaviazkovuju praceduru zdačy adbitkaŭ palcaŭ. Kali adbitki palcaŭ źbirali na zavodzie, jon prykinuŭsia chvorym i ŭziaŭ balničny. A kali jaho vyklikali ŭ vajenkamat, kab uziać adbitki palcaŭ, to zajaviŭ, što prachodziŭ daktyłaskapiju na zavodzie.

Kamientary da artykuła