Minčanin pajšoŭ u hryby i patanuŭ u rečcy

22 vieraśnia ŭ rečcy Uša pamiž čyhunačnymi stancyjami Łasi i Bajary (Maładziečanski rajon) vyłavili cieła 64-hadovaha minčanina, jaki źnik 25 žniŭnia.

25 žniŭnia mužčyna pajšoŭ u hryby z dačnaha domika, što ŭ sadovym tavarystvie «Zdaroŭje» niedaloka ad vioski Łasi. Nazad nie viarnuŭsia.

Milicyja abjaviła minčanina ŭ vyšuk. Amal miesiac pra źnikłaha nie było nijakich źviestak. Narešcie vyśvietliłasia, što jon patanuŭ va Ušy.

Z-za doŭhaha znachodžańnia ŭ vadzie cieła było ciažka apaznać. Svajaki paznali zahinuŭšaha tolki pa adździeńni i tatuiroŭkach. Paškodžańniaŭ na ciele nie było. Chutčej za ŭsio, mužčyna paśliznuŭsia, zvaliŭsia ŭ vadu i zachłynuŭsia.

Pa tym, što na bierazie pobač znajšli pustuju plašku ad tannaha vina, možna mierkavać: minčanin byŭ niećviarozy.

Kamientary da artykuła