Elitny Vilenski. Na miescy ptuškafabryki kala Zacani paŭstanie prestyžny rajon
Amal dziesiać tysiač čałaviek zmohuć stać navasiołami mikrarajona, jaki płanujecca pabudavać na miescy ptuškafabryki imia Krupskaj.
Užo raspracavany i zaćvierdžany płan zabudovy, idzie prajektavańnie pieršych čatyroch damoŭ.
Vilenski pačniecca ad
— kaža hałoŭny architektar prajekta Anatol Vaščuk («Minskprajekt»). — Tamu pieršapačatkova tut płanavałasia žyłaja zabudova pavyšanaj kamfortnaści, što vyłučajecca nie tolki niestandartnaj płaniroŭkaj i vysokatechnałahičnym abstalavańniem kvater, ale taksama i miescaznachodžańniem damoŭ, pryhožym vidam z voknaŭ i najaŭnaściu ŭtulnych, uładkavanych dla adpačynku unutranych dvorykaŭ.— Hetaje miesca ŭnikalnaje — najpryhažejšy vid na raku, amal uskraina horada i ŭ toj ža čas vydatnyja transpartnyja suviazi z centram Minska,
Usio heta ŭličana padčas prajektavańnia.
Uzdoŭž Śvisłačy raźmieściacca nievialikija hrupy damoŭ pa 3–5 pavierchaŭ. Hieamietryja budynkaŭ takaja, što dvarovaja prastora adkryvajecca na raku.
Pa miery addaleńnia zabudovy ad prybiarežnaj pałasy kolkaść pavierchaŭ u damach pavialičvajecca ad 3 da 9. Usie damy ŭ Vilenskim płanujecca ŭzvodzić pa indyvidualnych prajektach. Chutčej za ŭsio heta buduć karkasnyja budynki, u azdableńni jakich ŭžyvuć drobnaštučnych materyjały, jakija dazvalajuć stvaryć unikalnuju architekturu damoŭ i fasadaŭ. Ahulnaja płošča kvater varjujecca ad 50 kvadratnych mietraŭ (adnapakajovaja) da 150 (čatyrochpakajovaja).
Admietnaj asablivaściu mikrarajona pavinna stać i toje, što jaho žychary buduć całkam zabiaśpiečanyja miescami dla aŭtamabilaŭ. Parkoŭki raźmieściacca ŭ padziemnym uzroŭni pad dvarovaj terytoryjaj. Praduhledžanyja i adkrytyja haściavyja stajanki.
— Uličvajučy, što ŭ damach uzdoŭž Navavilenskaj pieršyja pavierchi buduć niežyłyja, u ich mohuć raźmiaścicca ofisnyja pamiaškańni. Stvarajecca asiarodździe, dzie možna adnačasova žyć, pracavać, majučy nievialiki biznes. Usio heta pavinna pryciahnuć uvahu inviestaraŭ, — ličyć hałoŭny architektar prajekta.
Akramia žylla ŭ Vilenskim miarkujecca ŭźvieści škołu z basiejnam, novy dziciačy sadok (u dadatak da isnaha), šmatprofilnuju palikliniku,
Vulicu Navavilenskuju płanujuć pašyryć, puścić pa joj tramvajnuju liniju i raźmiaścić razvarotnaje kalco.Novy žyły masiŭ zapatrabuje i karektavańnia
vulična-transpartnaj sietki.
Raspracoŭvajecca i prajekt dobraŭparadkavańnia prybiarežnaj zony ŭzdoŭž Vilenskaha. Miarkujecca, što z časam tut pralaža viełaściežka i navat moža źjavicca piešachodny most praz raku, uładkujuć plažy.
Ciapier idzie padrychtoŭčy pieryjad. Jak raskazaŭ dyrektar UKB administracyi Centralnaha rajona Viktar Chaładzinski, bolšaja častka terytoryi ptuškafabryki vyzvalicca ŭ kastryčniku. Miarkujecca, što budaŭnictva inžyniernych kamunikacyj pačniecca viasnoj 2012 hoda. Tady ž moža startavać i ŭźviadzieńnie pieršych čatyroch damoŭ, jany raźmieściacca ŭzdoŭž Navavilenskaj i kala