Kurs dalara pa vynikach dadatkovaj siesii skłaŭ 7 830 rubloŭ

Rynačny kurs dołara pa vynikach čarhovaha dnia tarhoŭ na dadatkovaj biržavoj siesii źniziŭsia na 60 rubloŭ i skłaŭ 7830.

Na dadatkovaj siesii Biełaruskaj valutna-fondavaj biržy 26 vieraśnia kurs dołara ZŠA ŭstanoŭleny na ŭzroŭni 7830. Dla paraŭnańnia: pa vynikach papiaredniaha dnia tarhoŭ 23 vieraśnia jon składaŭ 7890, a ŭ pieršy dzień tarhoŭ 14 vieraśnia — 8600. Z pačatku tarhoŭ biełaruski rubiel umacavaŭsia ŭ adnosinach da dołara amal na 9%.

Rynačny kurs rasijskaha rubla pa vynikach čarhovaha dnia tarhoŭ na dadatkovaj biržavoj siesii skłaŭ Br241, źniziŭšysia na Br5. Na dadatkovaj siesii BVFB 23 vieraśnia kurs rasijskaha rubla byŭ na ŭzroŭni 246 rub., a 14 vieraśnia — 305 rub. Heta značyć paśla ŭstanaŭleńnia rynačnych kursaŭ na dadatkovaj siesii biełaruski rubiel umacavaŭsia ŭ adnosinach da rasijskaha amal na 21%.

Kurs jeŭra siońnia na tarhach skłaŭ 10 520 rubloŭ, što na 140 rubloŭ mienš, čym było ŭ papiaredni dzień tarhoŭ 23 vieraśnia. Z pačatku tarhoŭ kurs biełaruskaha rubla ŭ adnosinach da jeŭra ŭmacavaŭsia bolš jak na 13%.

Takim čynam, pradaŭžajecca ŭstojlivaje źnižeńnie rynačnych kursaŭ asnoŭnych vidaŭ valuty — dołara ZŠA, rasijskaha rubla i jeŭra — na dadatkovaj biržavoj siesii.

Kamientary da artykuła