Jaŭhien Vaśkovič: Mama, prabač, ale pracavać na ich ja nie budu!
Jaŭhiena Vaśkoviča pieraviali ŭ adzinočnuju kamieru. Babrujski žurnalist napisaŭ maci, što ŭ «adzinočcy» jamu našmat lepš,paviedamlaje partał babruisk.by.
— Ženia narešcieo napisaŭ list, — raskazvaje Rušanija Vaśkovič, maci Jaŭhiena. — List byŭ davoli strymany, byccam jon niešta niedahavorvaje. Napisaŭ, što jaho pieraviali ŭ adzinočku, i tam jamu našmat lepš, bo jon moža pisać, čytać knihi, navat paścielnuju bializnu dajuć. Piša: «Mama, prabač, ale pracavać na ich ja nie budu!»
Nahadajem, što administracyja mahiloŭskaj kałonii daŭno ŭžo abiacała adpravić Jaŭhiena Vaśkoviča ŭ pamiaškańnie kamiernaha typu. Pryčyna — niežadańnie chłopca vykonvać umovy ŭnutranaha režymu.
Inšyja fihuranty hetaj spravy Arciom Prakapienka i Pavieł Syramłotaŭ taksama adbyvajuć termin u Mahiloŭskaj vobłaści. Arciom — u Škłoŭskaj, a Pavieł — u kałonii № 19, — jana znachodzicca niedaloka ad kałonii № 15, u jakoj siadzić Jaŭhien Vaśkovič.