Były padatkovy inśpiektar skrała hrošy z bankamata
Haradzienskaja milicyja ceły miesiac šukała 400 tysiač, jakija žančyna nie zdahadałasia zabrać z bankamata.
Jak vyjaviłasia, źniać hrošy haradzienka vyrašyła ŭ bankamacie, jaki pa technałohii pracesu spačatku viartaje kartku, a tolki potym vydaje hatoŭku. Ale žančyna vyrašyła, što sistema dała zboj, i syšła. Chvilin praź dziesiać znoŭ pryjšła da bankamata i pravieryła bałans, ale 400 tysiač rubloŭ na rachunku nie znajšła. Vyśvietlić, kudy źnikli hrošy, dama vyrašyła z dapamohaj milicyi.
Apieratyŭniki zdoleli vyśvietlić asobu žančyny, jakaja padyšła da bankamata paśla paciarpiełaj, i zapeŭnivajuć, što mienavita jana ŭziała čužyja hrošy. Padazravanaja, jakaja zusim niadaŭna pracavała starejšym padatkovym inśpiektaram, admaŭlacca nie stała i patłumačyła: chacieła viarnuć znachodku zakonnamu ŭładalniku. Praŭda, śledstva ličyć, što žančyna niaščyraja, tamu što ciaham miesiaca nie zrabiła dla hetaha nijakich krokaŭ.
Pa hetym fakcie raspačataja kryminalnaja sprava pa častcy 1 artykuła 205 KK RB «Kradziež». Padazravanaja całkam pakryłaškodu. Ale zusim nie tymi kupiurami, jakija miesiac tamu vydaŭ bankamat.