Hrodzienščyna z pompaj śviatkuje jubilej rasijskaj kałanizacyi

Na 210-hodździe z dnia ŭtvareńnia Hrodzienskaj hubierni źjechalisia dypłamaty, navukoŭcy, čynoŭniki.

Ciapierašniaja ŭłada Biełarusi vyvodzić svoj radavod ad kałanijalnych struktur, utvoranych u zachoplenaj Biełarusi Rasijskaj impieryjaj. Tamu śviatkavańnie 210-hodździa ŭtvareńnia Hubiernii stała dla ich adpaviednaj nahodaj sabrać haściej.

U horad nad Niomanam źjechalisia naščadki hubiernatara Michaiła Asarhina i paeta Adama Mickieviča, zachavalniki spadčyny rasijskaha nielibieralnaha refarmatara Piatra Stałypina.

Na śviatkavańnie 210-hodździa hubierni ŭ Hrodna pryjechaŭ rasijski pasoł Surykaŭ.

Abłvykankam arhanizavaŭ uračysty schod abłasnoha «saŭpartaktyva».

Ad bresckaha «hubiernataru» hrodzienskamu.

Hubiernataraŭ paviesili, u tym liku žyvych.

Jamu spadabadasia b: šylda Stałypinu vykananaja pa-rasiejsku.

U Hrodzienskuju hubierniu ŭvachodzili Hrodna, Brest, Słonim, Biełastok, Kobryn, Druskieniki, Biełaviež.

Na fakultecie historyi i sacyjałohii Hrodzienskaha dziaržaŭnaha ŭniviersiteta imia Janki Kupały prajšła prezientacyja vystavy «Hrodzienskaja hubiernia ŭ dakumientach Nacyjanalnaha histaryčnaha archiva Biełarusi ŭ horadzie Hrodna». Siarod ich dakumienty 1801-ha ab utvareńni piaci hubierniaŭ, u tym liku i Hrodzienskaj, pratakoł, datavany 1892 hodam, ab dazvole šviedskamu paddanamu pabudavać cyrk u Hrodna i pratakoł 1915-ha ab dazvole dvaraninu Zavistovskomu stvaryć u horadzie kinateatr. Jość dakumient ab adkryćci ŭ Hrodna ałoŭkavaj fabryki i ŭstaŭnaja hramata majontka Hrandzičy. Možna ŭbačyć taksama štatny raskład pracy čynoŭnikaŭ. Asobna pradstaŭleny materyjały časoŭ rasijska-francuzskaj vajny 1812 hoda, vypuski «Hrodzienskich hubiernskich viedamaściaŭ» roznych hadoŭ.

Jašče adnu vystavu padrychtavaŭ adździeł krajaznaŭstva abłasnoj biblijateki imia Karskaha. Tut zachavalisia šmatlikija hubiernskija štohodniki-spravazdačy, ź jakich možna daviedacca šmat cikavaha z žyćcia hubierni z 1879 pa 1913 hady.

U muziei historyi relihii vystaŭlenyja partrety kiraŭnikoŭ hubierni i vobłaści. Napisany jany mastakom Uładzimiram Kačanom.

23 karciny — ad pieršaha hubiernatara Dźmitryja Košaleva, jaki kiravaŭ novaŭtvoranaj hubierniaj z 1801 pa 1803 hady, da našych sučaśnikaŭ: zabity pry niavyśvietlenych abstavinach Dźmitryj Arcimienia, Siamion Domaš, Alaksandr Dubko, Uładzimir Saŭčanka

Prajšoŭ u Hrodnie i kruhły stoł, pryśviečany Piatru Stałypinu. Hety budučy prem'jer-ministr Rasii peŭny čas kiravaŭ Hrodzienskaj hubierniaj.

Na budynku abłvykankama adkryli pamiatnuju šyldu Stałypinu — viadoma, pa-rasiejsku.

Kamientary da artykuła