Sioleta ŭ Biełarusi spynienaje dziejańnie 88 licenzij na hulniavy biznes

Ministerstva pa padatkach i zborach (MPZ) Biełarusi apublikavała vyniki «revizii» hulniavoj haliny, jakaja da 1 studzienia 2011 hoda znachodziłasia ŭ viadzieńni Ministerstva sportu i turyzmu.

Z roznych pryčynaŭ, u asnoŭnym vyklikanych uzmacnieńniem žorstkaści zakanadaŭstva ŭ hetaj śfiery, z 1 sakavika 2011 hoda spynienaje dziejańnie 88 licenzij.

Heta dastatkova šmat, uličvajučy, što pavodle dadzienych taho ž MPZ, jaki zamiest Minsportu i turyzmu ciapier adkazvaje za hetuju halinu, na 1 vieraśnia 2011 dziejnych licenzij było 114.

Bieź licenzij zastałosia 10 kampanij, jakija ŭtrymlivali kazino. Najbolš paciarpieli ŭ hetym płanie amatary azartnych hulniaŭ u Homieli. Roŭna pałova z 14 zakrytych kazino prypadaje na hety horad.

Spynienaja z 1 sakavika dziejnaść licenzii na kazino i zału hulniavych aŭtamataŭ viadomaj niekali navapołackaj firmy «Resttrejd». Hetaja kampanija ŭvachodziła ŭ bujny sadavinavy chołdynh «Frutreał», jaki naležaŭ biznesoŭcam Barysu Cłafu i Siarhieju Dumpe, što pakinuli Biełaruś.

Z adnosna bujnych kampanij, jakim naležała pa niekalki hulniavych punktaŭ u roznych haradach Biełarusi, adznačym sychod z hetaha rynku uładalnikaŭ załaŭ hulniavych aŭtamataŭ — kampanii «Ihrasiti» (centralny ofis u Homieli), viciebskaj firmy «Hulnia», minskaj «Płej-star», kobrynskaj «Inter'jer-plus», jaki źmiaščaje i zały hulniavych aŭtamataŭ, i bukmiekierskija kantory.

Pazbavilisia licenzii taksama bukmiekierskija kampanii «Plus-Minus-U» ź Viciebska i minskaja firma «Analityk-sport». Niama bukmiekierskaha biznesu ciapier i ŭ najbujniejšaj spartyŭnaj haziety Biełarusi «Priessbołł», raniej jakaja mieła licenziju na svaju daččynuju firmu «Priessboł-plus».

Kamientary da artykuła