Biełaruś uviała zabaronu na vyvaz rapsu, lonu i alejaŭ
Rašeńnie ab hetym utrymlivajecca ŭ pastanovie Savieta ministraŭ № 1289 ad 23 vieraśnia, paviedamili ŭ
U pryvatnaści, heta tyčycca nasieńnia lonu, drablonaha abo niedrablonaha, nasieńnia rapsu, ci kolzy, drablonaha abo niedrablonaha, masła rapsavaha (z rapsu, ci kolzy) abo harčyčnaha i ich frakcyj, nierafinavanych abo rafinavanych, ale bieź źmianieńnia chimičnaha składu, nielatučych alejaŭ vadkich, źmiešanych, prydatnych dla ŭžyvańnia ŭ ježu sumiesiaŭ abo hatovych praduktaŭ, što vykarystoŭvajucca ŭ jakaści zmazki dla form, z terytoryi Biełarusi.
Rašeńnie ŭrada Biełarusi pryniata ŭ adpaviednaści z artykułam 8 pahadnieńnia ab paradku ŭviadzieńnia i prymianieńnia mier, što zakranajuć źniešni handal tavarami, na adzinaj mytnaj terytoryi ŭ adnosinach da trecich krain ad 9 červienia 2009 hoda.
Saviet ministraŭ Biełarusi daručyŭ Ministerstvu zamiežnych spraŭ va ŭstanoŭlenym paradku paviedamić kamisii Mytnaha sajuza ab uviadzieńni zabarony na vyvaz z terytoryi Biełarusi nasieńnia rapsu, lonu i asobnych vidaŭ alejaŭ i ŭnieści na razhlad kamisii Mytnaha sajuza prapanovu ab prymianieńni mier inšymi dziaržavami — členami MS.