U dačynieńni da zaŭziatara, jaki vybieh na pole, składzieny pratakoł ab drobnym chulihanstvie
Administracyjny pratakoł ranicaj 29 vieraśnia razhladajecca ŭ sudzie Leninskaha rajona.
U dačynieńni da zaŭziatara, jaki vybieh na pole padčas matču BATE — "Barsiełona", składzieny pratakoł ab administracyjnym pravaparušeńni, praduhledžanym artykułam 17.1 KoAP (drobnaje chulihanstva). Pra heta paviedamiŭ načalnik adździeła infarmacyi i hramadskich suviaziaŭ HUUS Minharvykankama Alaksandr Łastoŭski.
Administracyjny pratakoł ranicaj 29 vieraśnia razhladajecca ŭ sudzie Leninskaha rajona.
Pavodle słoŭ Łastoŭskaha, u kryvi zaŭziatara, jakoha zatrymali siekjuryci i pieradali milicyi, vyjaŭlena 0,6-0,7 pramile ałkaholu. Praduhledžvajecca, što zaharadžalny barjer na stadyjonie jamu ŭdałosia pieraadoleć u miescy znachodžańnia invalidaŭ-kalasačnikaŭ na ŭzvyšanaści.
Svaje dziejańni jon patłumačyŭ niezadavolenaściu hulnioj, likam na tabło i žadańniem dapamahčy biełaruskaj kamandzie vyjhrać.
Jak zaznačyŭ Łastoŭski, vychadka zaŭziatara moža mieć surjoznyja sankcyi dla BATE.
28 vieraśnia na minskim stadyjonie "Dynama" ŭ druhim tajmie matču hrupavoha etapu Lihi čempijonaŭ BATE — "Barsiełona" pry liku 0:4 na pole vybieh zaŭziatar. Jon paśpieŭ prabiehčy mietraŭ siemdziesiat, pierš čym byŭ schopleny i vyviedzieny z pola.