Pačaŭ pracu novy kruchmalny zavod
Pačaŭ pracu novy kruchmalny zavod kala vioski Lada Mastoŭskaha rajona. Jaho budaŭnictva abyšłosia ŭ 55 młrd rubloŭ.
Za try pieršyja pracoŭnyja dni vyrabili 39 ton kruchmału. Jak adznačyŭ hałoŭny inžynier Rahoźnickaha kruchmalnaha zavoda Hienadź Vałčkievič, na pradpryjemstvie pracuje šviedskaje abstalavańnie i vysokapradukcyjnyja ciepłahienieratary. Naładžanaje abarotnaje vodazabiaśpiečańnie, jość stancyja abiezzaražańnia i pamiakčeńnia vady.
Vytvorčaść kruchmału nieenierhajomistaje, całkam aŭtamatyzavanaje. Navat kali źjaŭlajecca zboj, jaho likvidujuć, nie adychodziačy ad ekrana manitora ŭ apieratarskaj, adkul sočać za ŭsimi pracesami na zavodzie.
Skład syraviny na 1800 ton užo zapaŭniajecca. Pačatkovaja cana, jakuju płacić pradpryjemstva nasielnictvu i sielhasarhanizacyjam za zdadzienuju bulba, — 465 rubloŭ za kiłahram. Dalej usio zaležyć ad pracenta ŭtrymańnia kruchmału ŭ kłubniach. Naprykład, jak rastłumačyli na zavodzie, užo pastupała bulba z kruchmalistaściu 21%. Za takuju bulbu pradpryjemstva hatovaje zapłacić 2000 biełaruskich rubloŭ.
Zavod abiacaje stać krynicaj valutnych pastupleńniaŭ, bo roŭna pałova pradukcyi pryznačanaja na ekspart. Syravina dla hetaha budzie: u 2011 hodzie płošča pasadki bulby ŭ Mastoŭskim rajonie padvoiłasia, u pierśpiektyvie płanujecca zasadžvać hetaj kulturaj 1500 ha.