Sabonis pieraviedzieny z reanimacyi ŭ ahulnuju pałatu
U čaćvier rankam 46-hadovy Arvidas Sabonis, jaki adnaŭlajecca paśla infarktu mijakarda, pieraviedzieny z pałaty intensiŭnaj terapii Kaŭnaskaj kardyjałahičnaj kliniki ŭ ahulnaje adździaleńnie.
Litoŭskija miedyki śćviardžajuć, što stan zdaroŭja lehiendarnaha baskietbalista vielmi dobry, i ŭžo dumajuć ab reabilitacyi. Sabonis, jaki pakul admaŭlajecca mieć znosiny sa ŚMI, byŭ pieraviedzieny ŭ asobnuju adnamiescavuju pałatu, dzie praviadzie 7-8 sutak.
«Ja liču, što zaraz stan jaho zdaroŭja vielmi dobry. Ale jon surjozny pacyjent, i jamu nieabchodny spakoj. My radujemsia vynikam, i spadziajemsia, što ŭsio budzie dobra. (...). Dla nas heta vialikaja adkaznaść, ale ŭ Kaŭnaskaj klinicy sabrałasia adna z najlepšych kamand miedykaŭ", - skazaŭ kiraŭnik kardyjałahičnaj kliniki prafiesar Remihijus Žalunas.
Pavodle jaho słoŭ, Sabonis budzie prachodzić zvyčajnyja pracedury.
«Usie prachodzić jak zvyčajna. Pracedury i srodki - takija ž, jak dla ŭsich hramadzian Litvy», - skazaŭ Žalunas.