Niaklajeŭ — u Varšavie, milicyja — u jaho kvatery
Jany ŭručyli žoncy palityka pozvu dla Niaklajeva z patrabavańniem źjavicca siońnia ŭ Leninski RUUS Minska.
Prykładna za hadzinu da hetaha ŭčastkovy milicyjant zajšoŭ i ŭ kvateru Alaksandra Fiaduty, namieśnika Niaklajeva pa kampanii «Havary praŭdu!».
— Vidavočna, što praktyčna adnačasovaja pravierka moža być vyklikanaja znachodžańniem Uładzimira Niaklajeva na samicie Uschodniaha partniorstva ŭ Varšavie. Aktyŭnaja mižnarodnaja dziejnaść lidara kampanii «Havary praŭdu!» i adnaho z samych rejtynhavych biełaruskich apazicyjnych palitykaŭ vyklikaje razdražnieńnie ŭładnych struktur. Asabliva kali ŭličyć, što ŭzrovień kantaktaŭ spadara Niaklajeva na samicie značna vyšejšy, čym toj, jaki moh čakać zaprošanaha kiraŭnika biełaruskaj delehacyi, ministra zamiežnych spravaŭ Siarhieja Martynava. Ja miarkuju, — skazaŭ Alaksandr Fiaduta, — što prysutnaść Niaklajeva na samicie stała adnoj z pryčyn, ź jakoj spadar Martynaŭ nie pajechaŭ u Varšavu.
Nahadajem, što 20 maja 2011 Uładzimir Niaklajeŭ sudom Frunzienskaha rajona h. Minska byŭ asudžany na dva hady pazbaŭleńnia voli z adterminoŭkaj prysudu na dva hady i znachodzicca ŭ suviazi z hetym pad nahladam orhanaŭ unutranych spravaŭ.
9 vieraśnia sud Leninskaha rajona h. Minska uvioŭ bolš žorstkija ŭmovy adbyvańnia Niaklajevym pakarańnia. U pryvatnaści, jon abaviazany raz na tydzień adznačacca ŭ orhanach unutranych spravaŭ,
pastajanna znachodzicca va ŭłasnaj kvatery z 20.00 da 06.00 i nie pakidać miežaŭ Minska.Taksama istotna abmiežavanyja jaho pravy na
Uładzimir Niaklajeŭ tak prakamientavaŭ situacyju:
— Ja nie liču, što niešta parušyŭ, tamu što nie liču siabie złačyncam, a vyniesieny mnie prysud — zakonnym. Maim abaviazkam jak hramadzianina i palityka było damahacca taho, kab hołas Biełarusi, hołas biełaruskaha naroda byŭ pačuty na samicie Uschodniaha partniorstva. Z hetaj trybuny my, biełarusy, źviartajemsia da našych