HA «Biełaja Ruś» maje namier razhledzieć pytańnie ab stvareńni partyi na źjeździe
Ab hetym paviedamiŭ siońnia žurnalistam pieršy namieśnik kiraŭnika Administracyi Prezidenta, kiraŭnik hetaha hramadskaha abjadnańnia Alaksandr Radźkoŭ.
Alaksandr Radźkoŭ adznačyŭ, što pry stvareńni HA «Biełaja Ruś» nie vyklučałasia pierśpiektyva pierachodu hramadskaj arhanizacyi ŭ partyju. «Kali budavali hramadskaje abjadnańnie, to praduhledžvali, što ź ciaham času, kali budziem hatovy dla partyi, treba prymać takoje rašeńnie», — skazaŭ pieršy namieśnik kiraŭnika Administracyi Prezidenta.
Pavodle jaho słoŭ, u HA «Biełaja Ruś» abjadnalisia ludzi, jakija pazityŭna nastrojeny na raźvićcio krainy. Pry hetym jon adznačyŭ, što «Biełuju Ruś» pabudavali pa partyjnamu pryncypu (piarvičnyja, rajonnyja i abłasnyja arhanizacyi, uznosy). Ale žyćcio patrabuje ad hramadskaha abjadnańnia nastupnaha kroku, pierakanany Alaksandr Radźkoŭ. «My da hetaha (pierachodu ŭ partyju.) rychtujemsia. Čas nastanie, my pojdziem na taki krok. Ale dla hetaha pavinny być hatovyja», — skazaŭ kiraŭnik hramadskaha abjadnańnia.
Ciapier aktyŭ abjadnańnia abmiarkoŭvaje hatoŭnaść «Biełaj Rusi» pieraraści ŭ partyju, vyznačaje čas praviadzieńnia źjezdu. «My chočam dakładna vyznačyć čas, kali pojdziem na źjezd. Ale, viadoma, na źjezd pojdziem», — padkreśliŭ pieršy namieśnik kiraŭnika Administracyi prezidenta.