Kaho vykinuć z čarhi na žyllo i jak budzie prachodzić lhotnaje kredytavańnie ŭ Biełarusi?

Rašeńnie ab adnaŭleńni lhotnaha kredytavańnia budaŭnictva žylla ŭ 2012 hodzie moža być pryniataje ŭžo ŭ kancy kastryčnika, ale razam ź istotnymi źmienami ŭmovaŭ kredytavańnia.

Rašeńnie ab prypynieńni lhotnaha kredytavańnia ŭ 2012 hodzie hramadzian i arhanizacyj, jakija vykonvajuć funkcyju zamoŭcy pa budaŭnictvie takich žyłych pamiaškańniaŭ, źmiaščajecca ŭ pastanovie Saŭmina ad 27 vieraśnia 2011 hoda.

— Rašeńnie ab adnaŭleńni lhotnaha kredytavańnia budaŭnictva žylla ŭ 2012 hodzie moža być pryniataje ŭžo ŭ kancy kastryčnika. Na nastupnym tydni (17–21 kastryčnika) banki majuć dać infarmacyju pra pačatak adnaŭleńnia kredytavańnia. Biełarusbank užo ŭziaŭ abaviazańni pa kredytavańni na 2012–2013 hady ŭ abjomie bolš za 6 tryljonaŭ rubloŭ» — paviedamiŭ ministr architektury i budaŭnictva Biełarusi Anatol Ničkasaŭ.

Na kaniec vieraśnia 2011 hoda ŭ Biełarusi było ŭviedziena ŭ ekspłuatacyju 3,923 miljona kv.m žylla, rešta kredytnych resursaŭ na pačatak kastryčnika 2011 skłała 3 tryljona rubloŭ. Ź ich 2,5 tryljona pryznačanyja dla kredytavańnia hramadzian i bolš za 700 miljardaŭ rubloŭ — dla kredytavańnia adpaviednaj infrastruktury.

Abłvykankam i Minskim harvykankamam padrychtavanyja adrasnyja pieraliki žyłych damoŭ, u jakich fihurujuć pakazčyki kožnaha doma, uviedzienaha ŭ 2011 hodzie. Na siońnia vypracavany dakładny hrafik terminaŭ zdačy hetych damoŭ i raźmierkavańnia resursaŭ pad ich budaŭnictva.

— Žyllo, jakoje padlahała kredytavańniu ŭ 2011 hodzie, budzie zdadzienaje ŭ ekspłuatacyju ŭ poŭnym abjomie,

Da kanca 2011 hoda płanujecca ŭvieści ŭ ekspłuatacyju 3,8 miljona kv.mietraŭ žylla za košt pazastałych kredytnych resursaŭ. U nastupnym hodzie płanujecca ŭvod žylla dla tych, chto maje patrebu, ź dziaržaŭnaj padtrymkaj u abjomie 5 młn kv.mietraŭ.

— My šukajem dadatkovyja mahčymaści dla finansavańnia žyllovaha budaŭnictva ź niedziaržaŭnych krynic, kab suadnosiny lhotna-kredytavanaha žylla i žylla, jakoje ŭvodzicca na kamiercyjnaj asnovie abo indyvidualnym zabudoŭščykam, składali 50/50, — padkreśliŭ Anatol Ničkasaŭ.

Lhotna-kredytavanaje žyllovaje budaŭnictva — heta datavanyja srodki ź biudžetu i vialikaja nahruzka na ekanomiku krainy, rastłumačyŭ ministr. Kali ŭ 2010 hodzie abjom uviedzienaha ź dziaržaŭnaj padtrymkaj žylla składaŭ kala 80%, u 2011 hodzie — 75%, to ŭ 2012 hodzie hetaja ličba nie pavinnaja pieravyšać 50%. Pryčym u nastupnyja hady pakazčyk uviedzienaha ŭ ekspłuatacyju lhotna-kredytavanaha žylla budzie pastupova źnižacca.

Razam z hetym u Biełarusi budzie raźvivacca budaŭnictva arendnaha žylla. U 2011 hodzie Minskim harvykankamam za košt srodkaŭ biudžetu buduć pabudavanyja dva arendnych žyłyja damy.

— My spadziajemsia, što heta daść impuls dla dalejšaha raźvićcia arendnaha siektara ŭ Biełarusi. U Jeŭropie budujecca da 80% arendnaha žylla. Arendnaje žyllo dazvalaje vielmi hnutka vybirać miesca pražyvańnia i pracy. Pytańnie pryvatyzacyi abo atrymańnia va ŭłasnaść žylla na Zachadzie razhladajucca staranna, maładyja hramadzianie ŭ asnoŭnym žyllo zdymajuć. My chočam u Biełarusi stvaryć taki ž arendny siektar, jak na Zachadzie, — padkreśliŭ ministr.

Akramia taho, abłvykankamami i Ministerstvam architektury i budaŭnictva Biełarusi byli vypracavanyja novyja padychody farmavańnia čerhaŭ i stvareńnia śpisaŭ na atrymańnie lhotnaha žylla. Da takich katehoryjaŭ hramadzian adnosiacca šmatdzietnyja siemji (na siońnia — 18,1 tys. siemjaŭ), siemji, jakija majuć dziaciej-invalidaŭ z naradžeńnia I i II hrupy (500 siemjaŭ), hramadzianie, jakija atrymali invalidnaść u suviazi z radyjacyjnymi avaryjami (500 čałaviek), hramadzianie, jakija pražyvajuć u žyłych pamiaškańniach, pryznanych nieprydatnymi dla pražyvańnia va ŭstanoŭlenym paradku (2 tysiačy čałaviek), siemji, jakija pražyvajuć u internatach bolš za 10 hadoŭ (48,9 tysiačy siemjaŭ), maładyja śpiecyjalisty pa nakiravańni (1,6 tysiačy čałaviek), a taksama małazabiaśpiečanyja siemji, jakija majuć prava na lhotny kredyt (47,6 tysiačy siemjaŭ).

U vyniku pravierak byli vyjaŭlenyja kałasalnyja dyspraporcyi ŭ zabieśpiačeńni hramadzian žyllom u haradach, abłaściach i rajonach.

Darahija lhatavanyja resursy vyłučalisia hetym hrupam hramadzianam biez jakich-niebudź peŭnych kryteraŭ u pieršuju čarhu. Na siońnia padrychtavanyja dapaŭnieńni i źmianieńni va Ukaz prezidenta Biełarusi № 185 i Ukaz № 43, zaklikanyja sfarmavać novuju žyllovuju palityku pa vydzialeńni lhotnych kredytnych resursaŭ na pierśpiektyvu.

Kredytavańnie budzie ažyćciaŭlacca ŭ abjomie nie 100, a 90% žyllovaha abjekta, pryčym kredyty nie buduć fiksavanyja. Taksama źmienicca raźlik lhotnaha kredytu. U adroźnieńnie ad dziejnaj sistemy, kali ŭličvajecca ŭsio žyllo va ŭłasnaści ŭ členaŭ siamji ŭ nasielenym punkcie, dzie čałaviek staić na ŭliku, prapanujecca schiema zaliku žylla pa ŭsioj respublicy.

Zychodziačy z taho, što sacyjalna-sanitarnaja norma zabieśpiačeńnia žyllom u Biełarusi ŭstalavanaje ŭ pamiery 15 kv. mietraŭ, hetaja ž norma ŭnosicca i dla kredytavańnia. Kab abmiežavać prytok nasielnictva ŭ Minsk i ŭ suviazi z bolš vysokimi dachodami minčan, prapanujecca ŭstalavać normu ŭ 10 kv. m dla pastanoŭki na ŭlik i 15 kv.mietraŭ dla dalejšaha lhotnaha kredytavańnia.

Zachavajucca peŭnyja lhoty dla žycharoŭ nasielenych punktaŭ z kolkaściu mienš za 20 tysiač čałaviek. Kredytavańnie budaŭnictva tam składzie 20% ad staŭki refinansavańnia, a taksama zachavajecca kredytavańnie dla šmatdzietnych siemjaŭ pad 1% na 40 hadoŭ.

260 tys. z ahulnaj kolkaści čarhavikoŭ Biełarusi trapiać pad novyja ŭmovy lhotnaha kredytavańnia.

Tyja hramadzianie, u jakich užo adkrytaja kredytnaja linija na budaŭnictva lhotnaha žylla, buduć kredytavacca i ŭ 2011, i ŭ nastupnych hadach biez jakich-niebudź istotnych źmienaŭ. Paralelna z hetym vykankamy buduć farmavać čarhu pavodle novych kryteraŭ paśla pryniaćcia adpaviednaha rašeńnia ŭ kancy kastryčnika.

Kamientary da artykuła