Rost prodažaŭ pralnych mašyn vyras amal udvaja

U studzieni-vieraśni 2011 hoda ŭ Biełarusi adznačany zaŭvažny rost prodažu bytavoj techniki ŭ paraŭnańni z anałahičnym letašnim pieryjadam.

Pavodle źviestak Biełstata,

u 1,54 razu było bolš pradadziena chaładzilnikaŭ i marazilnikaŭ (235,4 tys.), na 89,6% vyras prodaž pralnych mašyn (181,6 tys.), na 8,6% — televizaraŭ (165,5 tys.).

Vytvorčaść pralnych mašyn za dzieviać miesiacaŭ vyrasła na 8,6% (230,7 tys. št.), bytavych chaładzilnikaŭ i marazilnikaŭ — na 13% (938,8 tys. št.).

U cełym u studzieni-vieraśni abjom vytvorčaści mašyn i abstalavańnia vyras na 13,9% i skłaŭ 18 trłn. 312,6 młrd. rubloŭ.

Pa niekatorych vidach mašynabudaŭničaj pradukcyi adznačany spad vytvorčaści. Na 43,6% mienš vypuščana viežavych kranaŭ (62 št.), na 51,9% — drevaapracoŭčych stankoŭ (15.036 št.), na 6,1% — ziernieŭboračnych kambajnaŭ (1.878 št.), na 0,6% — ZVČ-piečak (232,3 tys. št.).

Pavialičyłasia vytvorčaść traktaroŭ — na 41,5% (47,1 tys.), padšypnikaŭ kačańnia — na 14,2% (3 młn. 934 tys. št.), liftoŭ — na 8,4% (6.601 št.), pahruzčykaŭ — na 22,2% (2.084 št.), mietałareznych stankoŭ — na 18,8% (3.235 št.).

Razam z tym, zapasy niekatorych vidaŭ mašynabudaŭničaj pradukcyi pieravyšali abjomy ich siaredniamiesiačnaj vytvorčaści. Tak, zapasy padšypnikaŭ kačańnia skłali 715 tys. št. (163,6% da siaredniamiesiačnaha abjomu vytvorčaści), kavalska-presavych mašyn — 24 št. (149%), centrabiežnych pompaŭ — 1,9 tys. št. (113,1%), mietałareznych stankoŭ — 570 št. (159,2%).

Kamientary da artykuła