«Tuzin. Unplugged» 23 kastryčnika: «Sprat» i :B:N:

23 kastryčnika ŭ klubie «Hrafici» vysadzicca desant ź Bieraściejščyny. U miežach čarhovaha kancertu z cyklu «Tuzin. Unplugged» vystupiać hurty «Sprat» i:B:N:, jakija zajhrajuć svaje ekskluziŭnyja akustyčnyja prahramy. Aleś Lutyč abiacaje «łajtovy beenaŭski set» u kampanii z hitarystam i akardyjanistam, a Źmicier Siańko kaža, što «Sprat» zajhraje svaje lepšyja pieśni dy sprezentuje kolki novych.

Tuzin Unplugged Hurt «Sprat» byŭ zasnavany ŭ Bieraści ŭ 2006 hodzie. Kalektyŭ maje ŭ svajoj dyskahrafii albom «Nie čakaj», mini-albom «Na płyniach viasny» i internet-synhł «180», pryśviečany Łarysie Hienijuš i Ŭładzimieru Karatkieviču. Muzyki «Spratu» kažuć, što im ciažka vyznačyć stylistyku svajho kalektyvu, bo ŭ pieśniach u roznych praporcyjach prysutničajuć i ciažkija ryfy, i meladyčny rok, i hrandž, i navat folk. Za čas svajho isnavańnia hurt braŭ udzieł u šmatlikich festyvalach: «Adboryšča», «Rok-koła» dy inšych. Dobra znajomyja z tvorčaściu «Spratu» i naviedniki «Tuzina Hitoŭ» — pieśnia «Biełaruskaje serca» brała ŭdzieł u apošnim meha-tury i trapiła na składanku «Šosty Premjer Tuzin». Vakalist hurta Źmicier Siańko abiacaje vykanać na kancercie «Tuzin. Unplugged» lepšyja pieśni, a taksama vykanać niekalki novych.

Hurt:B:N: pachodzić z horadu Biarozy. U 2002 hodzie kalektyŭ pieramoh na festyvali «Basovišča» i adrazu vydaŭ debiutny dema-dysk «Bieź siabie». U 2004 hodzie vyjšaŭ paŭnafarmatny albom «Nie tryvaj», a praz dva hady śviet pabačyŭ čarhovy reliz hetaha kalektyvu — albom Zyvie Rock'n'Roll. Hurt:B:N: nieadnarazova braŭ udzieł u feście «Basovišča» ŭ jakaści zaprošanaha hościa, a taksama ŭdzielničaŭ u šmatlikich inšych festvalach. Choć kalektyŭ aktyŭna kancertuje, ale lider:B:N: Aleś Lutyč pryznajecca, što raniej nikoli nie vystupaŭ u mienskim klubie «Hrafici». «Ja tam navat nia byŭ u jakaści hledača, tamu vielmi cikava budzie pahladzieć na hetaje kultavaje miesca», — kaža Aleś. Na «Tuzin. Unplugged» hurt zajhraje ŭ skaročanym składzie. «Razam sa mnoju budzie hitaryst, a taksama akardyjanist z hurta „Kalmary“. My zajhrajem hetkuju łajtovuju versiju piesień:B:N:, usio budzie nadzvyčaj meladyčna», — abiacaje Aleś Lutyč.

Kancert pačniecca ŭ 18:00 23 kastryčnika (niadziela) u mienskim klubie «Hrafici» (zav. Kalinina, 16). Košt kvitka — 35 000 rub. Kolkaść miescaŭ abmiežavanaja. Nabyć kvitki možna ŭ klubie papiarednie z 18:00 da 22:00 štodnia, aproč suboty i niadzieli.

Infalinija: (029) 638-44-44, (033) 638-44-44, skype, google: Diskoteq, ICQ: 531-07-353

Kancert «Tuzin. Unplugged» projdzie pry padtrymcy hramadzkaj kulturnickaj kampanii «Budźma biełarusami!».

Kamientary da artykuła