Češskija biełarusy patrabujuć status nacyjanalnaj mienšaści
Ciapier u Čechii žyvie niekalki tysiač biełarusaŭ.
Biełarusy, jakija žyvuć u Čechii chočuć, kab ich pryznali tut u jakaści nacyjanalnaj mienšaści. Prem'
Ciapier u Čechii žyvie niekalki tysiač biełarusaŭ. Jany pryjazdžajuć siudy ŭ asnoŭnym u pošukach pracy i navučańnia. Mnohija ź ich atrymali palityčny prytułak. Samaja vialikaja hrupa imihrantaŭ — siarod studentaŭ. U češskim Saviecie Ministraŭ užo daŭno lažyć zvarot z prośbaj aficyjnaha pryznańnia biełarusaŭ u jakaści nacyjanalnaj mienšaści.
Zakon Čechii nie rehłamientuje, pry jakoj kolkaści pradstaŭnikoŭ im dajecca status mienšaści.
Kiraŭnik Rady ŭ spravach nacyjanalnych mienšaściaŭ Miłan Pośpišył ličyć, što było b dastatkova i tysiačy čałaviek. Ź inicyjatyvy premjera Niečasa, biełarusaŭ užo i ciapier zaprašajuć u jakaści haściej na pasiadžeńnie Rady.
Češskija ŭłady naležać da krytykaŭ režymu Alaksandra Łukašenki. Časta jany akazvajuć palityčnuju i finansavuju padtrymku biełaruskaj apazicyi. Sioleta iČechija dała palityčny prytułak byłomu kandydatu ŭ prezidenty Alesiu Michaleviču, tut zarehistravanaja arhanizacyja «Małady front». U Čechii dziejničaje niekalki zarehistravanych abjadnańniaŭ biełarusaŭ,
adnak pryznańnie nacmienšaściu zabiaśpiečyć im dziaržaŭnuju padtrymku raźvićcia movy, kultury i tradycyjaŭ.U miaścinach z kampaktnym pražyvańniem biełarusaŭ jany zmohuć patrabavać, kab ichnyja dzieci vučylisia na biełaruskaj movie. Pavodle zakona, pradstaŭnikam nacyjanalnaj mienšaści harantujecca prava karystacca svajoj movaj ŭ sudach i ŭradavych ustanovach.
Na siońnia status mienšaściaŭ majuć u Čechii 12 nacyjanalnaściaŭ: bałhary, charvaty, vienhry, niemcy, palaki, słavaki, sierby, cyhanie, zakarpackija rusiny, ruskija, hreki, ukraincy.
Sa zvarotam pryznać ich nacyjanalnaj mienšaściu źviarnulisia va ŭrad taksama vjetnamcy i armianie.