Pačałasia pravierka sistemy terytaryjalnaj abarony
17 kastryčnika ŭ adpaviednaści z rasparadžeńniem prezidenta Biełarusi pačałasia pravierka sistemy terytaryjalnaj abarony krainy.
Jak paviedamiła pres-słužba Ministerstva abarony Biełarusi, płanujecca pastavić minimalnuju kolkaść mabilizacyjnych resursaŭ u štaby zon terytaryjalnaj abarony Hrodzienskaj vobłaści i horada Minska, dvuch rajonaŭ, a taksama ŭ asobnyja voinskija čaści i padraździaleńni terytaryjalnych vojskaŭ. U dalejšym budzie praviedziena zładžvańnie farmiravańniaŭ terytaryjalnych vojskaŭ, jakija voźmuć udzieł u vučeńniach sił terytaryjalnaj abarony.
Jak adznačyli ŭ pres-słužbie, terytaryjalnaja abarona źjaŭlajecca najvažniejšym składnikam mierapryjemstvaŭ, jakija pravodziacca ŭ adpaviednaści z płanam abarony krainy dziaržaŭnymi orhanami, orhanami miascovaha kiravańnia, arhanizacyjami, terytaryjalnymi vojskami va ŭzajemadziejańni z Uzbrojenymi siłami, inšymi vojskami, voinskimi farmiravańniami i vajenizavanymi arhanizacyjami.
Siarod asnoŭnych met terytaryjalnaj abarony — nadańnie abaronie dziaržavy ŭsieahulnaha (usienarodnaha) charaktaru, pavyšeńnie mahčymaściaŭ vajennaj arhanizacyi dziaržavy pa abaronie suvierenitetu i terytaryjalnaj cełasnaści, stvareńnie ŭmoŭ dla ŭstojlivaha funkcyjanavańnia dziaržaŭnych orhanaŭ i arhanizacyj, ekanomiki, abjektaŭ infrastruktury i žyćciadziejnaści nasielnictva pry ŭźniknieńni vajennaj pahrozy i ŭ vajenny čas.
Da zadač terytaryjalnaj abarony adnosiacca, u pryvatnaści, achova i abarona abjektaŭ, vykanańnie asobnych bajavych zadač sumiesna sa złučeńniami i voinskimi čaściami Uzbrojenych sił pry adbićci akta ŭzbrojenaj ahresii, baraćba z desantna-dyviersijnymi siłami i niezakonnymi ŭzbrojenymi farmiravańniami; viadzieńnie ŭzbrojenaj baraćby na časova akupavanaj sapiernikam terytoryi, udzieł va ŭzmacnieńni achovy ŭčastkaŭ dziaržaŭnaj miažy.
Čytajcie taksama:
Kamientary da artykuła