Maksim Mirny vyjhraŭ turnir u Šanchai
Biełaruski tenisist Maksim Mirny i kanadziec Daniel Niestar stali pieramožcami parnaha razradu na bujnym turniry ŭ kitajskim Šanchai (pryzavy fond - $3,2 młn.).
U finalnym matčy biełaruska-kanadski duet, pasiejany pad druhim numaram, uziaŭ vierch nad internacyjanalnaj paraj Nienad Žymonžyč (Sierbija) - Mišel Ładra (Francyja) - 3:6, 6:1, 12:10. Pieramožcy parnaha razradu padzialili pamiž saboj pryzavuju sumu $192 tys. Ček na sumu $620 tys. atrymaŭ tryumfatar adzinočnaha razradu brytaniec Endzi Marej (3-i numar suśvietnaha rejtynhu), jaki pieramoh u vyrašalnym pajadynku ispanca Davida Fierera (5) - 7:5, 6:4.
Heta 40-y tytuł biełarusa ŭ parnym razradzie