Minharvykankam zabaraniŭ hiej-parad
Niahladziačy navat na toje, što šeście źbiralisia ładzić na ŭskrajku horada.
Minharvykankam nie dazvoliŭ šeście Minskaha hiej-prajda, jaki mierkavałasia pravieści pa vulicy Akademika Krasina ŭ mikrarajonie Sosny.
Zajaŭniki Minskaha hiej-prajda atrymali adpaviedny adkaz ź Minharvykankama, padpisany hałoŭnym ideołaham stalicy, — namieśnikam staršyni Minharvykankama Karpienkam Iharam Vasiljevičam.
Niahledziačy na toje, što zajaŭleny maršrut šeścia pralahaŭ daloka ad centra ŭ małaludnym miescy, haradskija ŭłady paličyli, što publičnuju akcyju ŁHBT-supolnaści varta zabaranić, bo praviadzieńnie mierapryjemstva płanavałasia na adlehłaści mienšaj za 50 mietraŭ ad terytoryi arhanizacyj, jakija zabiaśpiečvajuć žyćciadziejnaść nasielnictva.
Akramia taho, u vykankamie paličyli, što praviadzieńnie ŭkazanaha šeścia budzie stvarać pieraškody ruchu piešachodaŭ i navat ruchu transparta, paviedamlaje ŭ svaim pres-relizie a href=«http://www.gaybelarus.by» target=«_blank»>gaybelarus.by.
«Ja razhladaju zabaronu šeścia Minskaha hiej-prajda dyskryminacyjnaj i represiŭnaj», — zajaviŭ staršynia arhkamiteta hiej-prajda Siarhiej Androsienka.
Ab svaich płanach adnosna praviadzieńnia šeścia Minskaha hiej-prajda 22 kastryčnika arhanizatary zajavać na pres-kanfierencyi ŭ čaćvier.
Čytajcie taksama:
Kamientary da artykuła