Akcyi Olympus upali da rekordu z 1974 hoda paśla adstaŭki hiendyrektara
Akcyi japonskaj kampanii Olympus, jakaja śpiecyjalizujecca na vytvorčaści fotaaparataŭ i fotatechniki, upali na 22% na Takijskaj biržy ŭ paniadziełak paśla adstaŭki prezidenta kampanii, brytanca Majkła Vudfarda,jaki pazbaviŭsia pasady praz «niazdolnaść da ŭsprymańnia karparatyŭnaj kultury japonskaj kampanii», paviedamlaje
Kaštoŭnyja papiery Olympus padajuć užo druhi dzień: u minułuju piatnicu jany stracili jašče 18%. Takim čynam, kaciroŭki kampanii ŭpali da minimumu z 1974 hoda.
«Majkł Vudfard zanadta adroźnivaŭsia ad astatnich udzielnikaŭ našaj kiroŭnaj kamandy, asabliva ŭ pytańniach karparatyŭnaha kiravańnia, i jon pačaŭ stvarać šmat prablem padčas pryniaćcia važnych rašeńniaŭ», — zajavili ŭ kampanii ŭ dzień zvalnieńnia brytanca.