Saŭčanka ŭspłyŭ u ahrakambinacie
Były staršynia Hrodzienskaha abłvykankama ciapier uznačalvaje hihancki ahrakambinat «Mačuliščy».
Z pasady ŭ Hrodnie Saŭčanka syšoŭ jašče letaś u studzieni, adnak uvieś hety čas pra jaho los nie było navinaŭ.
Saŭčanka sychodziŭ sa skandałami. Kryminalnyja spravy byli zaviedzienyja na mnohich hrodzienskich čynoŭnikaŭ. Naprykład, načalnika milicyi hienierała Hienadzia Chaćko, staršyni Hrodzienskaha abłasnoha Savieta deputataŭ Arkadzia Karpucia. Nieadnarazova čulisia abvinavačvańni ŭ karupcyi ŭ kumaŭstvie.
Samaj raspaŭsiudžanaj viersijaj było, što pa adstaŭcy Saŭčanka zajmajecca papraŭkaj zdarojaŭ, chacia byli samyja roznyja čutki.
«Uładzimir Saŭčanka vielmi baluča reahavaŭ na krytyku (nie ad prezidenta, inšych), vyžyvaŭ niepažadanych jamu kiraŭnikoŭ. Ale samaje hałoŭnaje — straciŭ pačućcio adkaznaści za daručany ŭčastak pracy», — tak kazaŭ pra Hrodzienskaha čynoŭnika Łukašenka.Za čas kiravańnia ŭ abłvykankamie Saŭčanka adznačyŭsia razbureńniem histaryčnaha centru Hrodna, a taksama kryminalnaj spravaj suprać Mikałaja Aŭtuchoviča. Pieršapačatkova ličyłasia, što vaŭkavyski pradprymalnik rychtavaŭ terakt suprać «hubiernatara». Ale na sudzie takoje abvinavačvańnie było źniataje.
Ahrakambinat «Mačuliščy» adzin z najbujniejšych u krainie. U jaho skład uvachodzić dziesiać sielskahaspadarčych pradpryjemstvaŭ, u tym liku AAT «Aleksandryjskaje» ŭ Škłoŭskim rajonie (radzima Alaksandra Łukašenki).
Za abjadnańniem zamacavana 87 tysiač hiektaraŭ ziamli va ŭsich abłaściach krainy. «Mačuliščy» źjaŭlajucca padšefnaj haspadarkaj Nacbanka.
Cikava, što adzin z papiarednich kiraŭnikoŭ ahrakambinata Alaksandr Rakievič byŭ asudžany na try z pałovaj hady źniavoleńnia za karupcyju. Ciapier kresła hiendyrektara zaniaŭ Saŭčanka.