Mitrapalita Fiłareta ŭ «Sovietskoj Biełoruśsii» adredahavali i adcenzuravali
Mienskaja jeparchijalnaja rada Biełaruskaj Pravasłaŭnaj Carkvy dasłała list-pratest hałoŭnamu redaktaru "SB" Paŭłu Jakuboviču.
Mienskaja jeparchijalnaja rada Biełaruskaj Pravasłaŭnaj Carkvy dasłała list-pratest hałoŭnamu redaktaru "SB" Paŭłu Jakuboviču.
Śviatary, što padpisali zvarot, zaznačajuć, što artykuł mitrapalita Fiłareta «Iścina zrobić vas svabodnymi», nadrukavany ŭ "SB" za 18 studzienia 2007 h. istotna adroźnivajecca ad aryhinalnaha artykułu «Reliktavaje vypramieńvańnie dumki», jaki byŭ padrychtavany pres‑słužbaj Biełaruskaha Ekzarchatu pa daručeńni Jeparchijalnaje rady Mienskaj japarchii. Artykuł byŭ dasłany ŭ hazetu i razhladaŭsia jak aficyjny pohlad BPC na artykuł Anatola Rubinava u SB, jaki byŭ nadrukavany 12 śniežnia 2006 h. i vyklikaŭ šmat sprečak.
«... U parušeńnie normaŭ prafesijnaj etyki i aficyjnaha spravavodztva, hety dakument [artykuł mitrapalita Fiłareta] byŭ padvierhnuty radykalnamu i tendencyjnamu skaračeńniu. U vyniku materyjał nabyŭ nia tolki inšy vyhlad, u jakim była źmienienaja jaho kampazycyjnaja struktura i lahičnaja paśladoŭnaść, ale j nabyŭ inšaje hučańnie, što jość niedapuščalnym ŭ spravach aficyjnaha abmienu dumkami na vysokim carkoŭnym i dziaržaŭnym uzroŭni».
«Tym bolš nievytłumačalnym, — havorycca ŭ zvarocie, — jość toj fakt, što nichto z pradstaŭnikoŭ Pravasłaŭnaj carkvy nia byŭ pastaŭleny ŭ viadomaść ab pryncypovym ŭmiašalnictvie ŭ źmiest artykułu «Reliktavaje vypramieńvańnie dumki».
U suviazi z hetym Jeparchijalny saviet Mienskaj japarchii BPC «vykazvaje rašučy pratest z pryčyny parušeńnia praviłaŭ adkrytaj dyskusii prafesijnaj etyki, pryniataj u ŚMI».
Poŭny tekst zvarotu Jeparchijalnaha savietu BPC
Aryhinalny tekst artykułu mitrapalita Fiłareta «Rieliktovoje izłučienije myśli»