U siabra Partyi BNF zabrali piać kamputaraŭ
A taksama padšyŭku "Našaj Nivy".
31 studzienia adbyŭsia pieratrus na kvatery, dzie ŭ toj čas znachodziŭsia aktyvist Partyi BNF Andrej Sarotnik. Milicyja siłaj a 22.30 uvarvałasia ŭ kvateru.
Jak kaža sp. Sarotnik, u milicyjantaŭ nie było orderu na vobšuk. Pravaachoŭniki zabrali ŭ Andreja piać kamputaraŭ, knihi, videakasety, ulotki, a taksama padšyŭku «Našaj Nivy» za 2005 h.
A pieršaj nočy Sarotnika zavieźli ŭ Centralny RUUS, dzie pratrymali try hadziny, paśla čaho adpuścili. U RUUSie ad Sarotnika patrabavali, kab jon padpisaŭ tłumačalnuju, ale jon nie pahadziŭsia heta zrabić.
Ciapier Andrej Sarotnik źbirajecca patrabavać tłumačeńniaŭ taho, što adbyłosia ŭ sieradu. A taksama patrabavać viartańnia ŭsiaho, što było zabrana.