Biełstat: bazavaja inflacyja pieravaliła za 100%
Biełaruś upeŭniena lidziruje jak u SND, tak i ŭ Jeŭropie i pa roście cen, i pa devalvacyi nacyjanalnaj valuty.
Biełstat apublikavaŭ dadzienyja pra bazavuju inflacyju ŭ Biełarusi. Paśla rostu na 8,3% u kastryčniku jana pieraadoleła simvaličnuju płanku sta pracentaŭ za studzień-kastryčnik. Kali być dakładnym, jana dasiahnuła 101,5%.
Bazavaja inflacyja — heta indeks rostu cen biez uliku rehulavanych cen i siezonnych tavaraŭ. Napraŭdzie, na tavary z rehulavanymi cenami (małako ŭ pakietach i h.d.) prychodzicca nievialikaja dola ŭ raschodach ludziej. Zvodny ž indeks rostu spažyvieckich cen, u jaki ŭvachodziać jak rehulavanyja, tak i nierehulavanyja tavary, skłaŭ 88%. Pryrost rehulavanych cenaŭ za 10 miesiacaŭ skłaŭ 65%.
Biełaruś upeŭniena lidziruje jak u SND, tak i ŭ Jeŭropie i pa roście cen, i pa devalvacyi nacyjanalnaj valuty. Niekatoryja niezaležnyja ekanamisty ličać, što realnyja tempy rostu cen navat bolšyja za aficyjna pryznanyja 80—100%. Sapraŭdy, mnohija tavary i pradukty padaraželi na 160—200%.