Siaržuk Sys. Biełastok
Bo tolki ŭ ščyrym Biełastoku,
Tak, tak, u ščyrym Biełastoku,
Jašče zastaŭsia podych naš...
U haradach błukaŭ dalokich,
Hublaŭsia ŭ skopiščy ludziej,
I tolki ŭ cichim Biełastoku,
Tak, tak, u cichim Biełastoku,
Mnie bolš utulna i milej.
Da Zamienhofa volnym krokam
Prajści pa Lipavaj naŭściaž…
Bo tolki ŭ ščyrym Biełastoku,
Tak, tak, u ščyrym Biełastoku,
Jašče zastaŭsia podych naš.
A jak źlatajucca abłoki
Na madernovy śvienty Roch!
Dy ŭsio tamu, što ŭ Biełastoku,
Tak, tak, u śvietłym Biełastoku
Zdajecca, časam chodzić Boh.
Jašče nie raz uściešać voka,
Plac i Branickaha Viersal,
Pakul spačnu nie ŭ Biełastoku,
Tak, tak, spačnu nie ŭ Biełastoku,
A ŭ Biełarusii, na žal…