Kiraŭnik Pientahona papiaredziŭ pra «niespadziavanyja nastupstvy» ŭdaru pa Iranie
Ministr abarony ZŠA Leon Panieta zajaviŭ, što vajenny ŭdar pa Iranie moža mieć «niespadziavanyja nastupstvy» i adkładzie pracu pa iranskaj jadziernaj prahramie maksimum na try hady.
Na sustrečy z žurnalistami ŭ Vašynhtonie jon pryznaŭ, što vajennyja dziejańni mohuć nie strymać Iran «ad taho, što jany chočuć rabić».
«Ale što bolš važna, heta moža surjozna paŭpłyvać na stanovišča ŭ rehijonie i mieć surjoznyja nastupstvy dla amierykanskich vojskaŭ tam», — zajaviŭ jon.
«Ja dumaju, my pavinny pradumać usie hetyja rečy staranna», — dadaŭ jon.
Panieta taksama padkreśliŭ, što jon padtrymlivaje sankcyi ŭ dačynieńni da Irana. Na pytańnie, što ZŠA źbirajucca rabić, kali sankcyi na Iran nie padziejničajuć, jon vykazaŭ nadzieju, što kraina «nie dojdzie da hetaha».
Paśla apublikavańnia ŭ aŭtorak vynikaŭ daśledavańnia ekśpiertaŭ MAHATE nie tolki ZŠA, ale i mnohija krainy Jeŭropy vystupili za ŭviadzieńnie novych sankcyj suprać Irana.