Ci nie zališnie «pravaznaŭstva»?
Jakija specyjalnaści karystalisia najbolšaj papularnaściu ŭ abituryjenta-2006?
Respublikanski centr prafiesijnaj aryjentacyi moładzi sabraŭ poŭnuju infarmacyju ab najbolšaj papularnasci i samych vysokich konkursach u vyšejšych, siarednich śpiecyjalnych i prafiesijna‑techničnych navučalnych ustanovach krainy.
VNU
Letaś samymi zapatrabavanymi śpiecyjalnaściami ŭ stalicy stali «Dyzajn (kamunikatyŭny dyzajn)» u Biełaruskim dziaržaŭnym univiersitecie — 19,6 čałavieka na miesca i «Vyjaŭlenčaje mastactva. Kampjutarnaja hrafika» ŭ Biełaruskim dziaržaŭnym piedahahičnym univiersitecie imia M. Tanka — 16,4. U Minsku, darečy, naličyłasia 65 śpiecyjalnaściaŭ, pa jakich konkurs pieravysiŭ 5 čałaviek. U dziesiatku ž uvajšli «Dyzajn (dyzajn pradmietna‑prastoravych kompleksaŭ) Biełaruskaha dziaržaŭnaha ŭniviersiteta (12,6), «Akciorskaje majsterstva (dramatyčnaha teatra i kino)» (11,6) i «Dyzajn kamunikatyŭny (telerekłama)» (10,7) Biełaruskaj dziaržaŭnaj akademii mastactvaŭ, «Psichałohija. Sacyjalnaja psichałohija» Biełaruskaha dziaržaŭnaha piedahahičnaha ŭniviersiteta imia M. Tanka (9,8), «Suśvietnaja ekanomika» Biełaruskaha nacyjanalnaha techničnaha ŭniviersiteta (9,6), «Sacyjalnaja rabota» Biełaruskaha dziaržaŭnaha ŭniviersiteta kultury i mastactvaŭ (9,4), «Palitałohija» Biełaruskaha dziaržaŭnaha ŭniviersiteta (9,3), «Dyzajn interjeraŭ» Biełaruskaj dziaržaŭnaj akademii mastactvaŭ (8,8).
Pa respublicy z konkursam zvyš 5 čałaviek na miesca nazbirałasia 122 śpiecyjalnasci vyšejšych navučalnych ustanoŭ krainy, ale pieršyja dźvie, minskija, pazicyi nikomu «abskakać» nie ŭdałosia. A z treciaha pa dziesiataje miesca situacyja vyhladaje nastupnym čynam: «Pravaznaŭstva» Mahiloŭskaha dziaržaŭnaha ŭniviersiteta imia A. Kulašova (13,3), «Dyzajn (dyzajn pradmietna‑prastoravych kompleksaŭ) Biełaruskaha dziaržaŭnaha ŭniviersiteta (12,6), «Akciorskaje majsterstva (dramatyčnaha teatra i kino) Biełaruskaj dziaržaŭnaj akademii mastactvaŭ (11,6), «Łahapiedyja. Praktyčnaja psichałohija» Mazyrskaha dziaržaŭnaha piedahahičnaha ŭniviersiteta imia I. Šamiakina (11,6), «Pravaznaŭstva» Bresckaha dziaržaŭnaha ŭniviersiteta imia A.S. Puškina (11,2), «Dyzajn kamunikatyŭny (telerekłama)» Biełaruskaj dziaržaŭnaj akademii mastactvaŭ (10,7), «Pravaznaŭstva» Baranavickaha dziaržaŭnaha ŭniviersiteta (9,9), «Psichałohija. Sacyjalnaja psichałohija» Biełaruskaha dziaržaŭnaha piedahahičnaha ŭniviersiteta imia M. Tanka.
Darečy, raniej papularnaść śpiecyjalnaściaŭ i ŭłasna navučalnych ustanoŭ siarod abituryjentaŭ vyznačali ličby konkursu, choć praktyka pakazvała, što vysoki konkurs časta abumoŭleny małoj kolkaściu biudžetnych miescaŭ. Sioleta śpiecyjalisty centra prafiesijnaj aryjentacyi vyrašyli acanić papularnaść z bolš abjektyŭnych pazicyj, inakš kažučy, suadniesci konkursy i płany pryjomu. Akazałasia, što samymi papularnymi ŭ 2006 hodzie byli Akademija Ministerstva ŭnutranych spraŭ Respubliki Biełaruś sa śpiecyjalnaściami «Pravaznaŭstva (śpiecyjalizacyja: sudova‑prakuroska‑śledčaja dziejnaść)» i «Pravaznaŭstva (śpiecyjalizacyja: apieratyŭna‑vyšukovaja dziejnaść)». Na trecim miescy — Minski dziaržaŭny linhvistyčny ŭniviersitet sa śpiecyjalnaściu «Anhlijskaja mova i druhaja zamiežnaja mova».
Samyja vysokija prachadnyja bały naziralisia na śpiecyjalnaściach «Finansy i kredyt (śpiecyjalizacyja: bankaŭskaja sprava) Biełaruskaha dziaržaŭnaha ekanamičnaha ŭniviersiteta — 367 (horad), 243(vioska), «Suśvietnaja ekanomika» — 357 i «Linhvakrainaznaŭstva» — 342 (horad), 329 (vioska) Biełaruskaha dziaržaŭnaha ŭniviersiteta, «Linhvistyčnaje zabieśpiačeńnie mižkulturnych kamunikacyj» — 336, «Finansy i kredyt (śpiecyjalizacyja: finansy i kredyt u źniešnieekanamičnaj dziejnasci)» — 334 (horad), 321 (vioska) Biełaruskaha dziaržaŭnaha ekanamičnaha ŭniviersiteta, «Anhlijskaja mova i druhaja zamiežnaja mova» Mins‑ kaha dziaržaŭnaha linhvistyčnaha ŭniviersiteta — 334 (horad), 312 (vioska), «Dyzajn (kamunikatyŭny)» Biełaruskaha dziaržaŭnaha ŭniviersiteta — 41,7 (horad), 36,8 (vioska) z 50, «Francuzskaja mova i druhaja zamiežnaja mova» Minskaha dziaržaŭnaha linhvistyčnaha ŭniviersiteta — 333, «Mytnaja sprava» — 333 (horad), 268 (vioska) i «Mižnarodnaje prava» — 331 (horad), 294 (vioska) Biełaruskaha dziaržaŭnaha ŭniviersiteta.
SSNU
U siarednich śpiecyjalnych navučalnych ustanovach Minska samy vysoki konkurs naziraŭsia pa śpiecyjalnaściach (na padstavie ahulnaj bazavaj adukacyi): «Pravaznaŭstva» ŭ Jurydyčnym kaledžy Biełaruskaha dziaržaŭnaha ŭniviersiteta — 17,2 čałavieka na miesca, «Zamiežnyja movy» ŭ Linhvahumanitarnym kaledžy Mins‑ kaha dziaržaŭnaha linhvistyčnaha ŭniviersiteta — 15,8, «Cyrulnickaje majsterstva i dekaratyŭnaja kaśmietyka» ŭ Minskim dziaržaŭnym technałahičnym kaledžy — 14,3, «Architektura» ŭ Minskim dziaržaŭnym architekturna‑budaŭničym kaledžy — 14,1.
U hetaj katehoryi najbolšaj papularnaściu ŭ abituryjentaŭ stalicy i krainy karystalisia śpiecyjalnasci «Pravaznaŭstva» Jurydyčnaha kaledža Biełaruskaha dziaržaŭnaha ŭniviersiteta, «Prahramnaje zabieśpiačeńnie infarmacyjnych technałohij» Minskaha dziaržaŭnaha vyšejšaha radyjotechničnaha kaledža, «Pramysłovaje i hramadzianskaje budaŭnictva» Minskaha dziaržaŭnaha architekturna‑budaŭničaha kaledža.
Samyja vysokija pa respublicy prachadnyja bały ŭ hetaj katehoryi prademanstravali takija śpiecyjalnasci jak «Zamiežnyja movy (niamieckaja)» Rečyckaha dziaržaŭnaha piedahahičnaha kaledža — 25,5 (horad), 22,4 (vioska), «Zamiežnyja movy» Linhvahumanitarnaha kaledža Minskaha dziaržaŭnaha linhvistyčnaha ŭniviersiteta — 25,4, «Sietki telekamunikacyj (prahramnaje zabieśpiačeńnie sietak telekamunikacyj) Vyšejšaha dziaržaŭnaha kaledža suviazi (Viciebski filijał) — 25 (horad), 22,3 (vioska).
U siarednich śpiecyjalnych navučalnych ustanovach Minska (na padstavie ahulnaj siaredniaj adukacyi) konkurs zvyš 6 čałaviek na miesca skłaŭ pa takich śpiecyjalnaściach jak «Zamiežnyja movy» Linhvahumanitarnaha kaledža Minskaha dziaržaŭnaha linhvistyčnaha ŭniviersiteta, «Bankaŭskaja sprava», «Buchhałtarski ŭlik, analiz i kantrol», «Finansy (biudžet i biudžetny ŭlik)» Minskaha dziaržaŭnaha finansava‑ekanamičnaha kaledža.
Papularnaściu ŭ stalicy vyłučalisia najpierš śpiecyjalnasci «Siastrynskaja sprava» ŭ Biełaruskim dziaržaŭnym miedycynskim kaledžy i Minskim dziaržaŭnym miedycynskim kaledžy, «Finansy (padatki i padatkaabkładańnie)» u Minskim dziaržaŭnym finansava‑ekanamičnym kaledžy. U respublikanskim maštabie pieršyja try miescy vyhladajuć nastupnym čynam: «Siastrynskaja sprava» Biełaruskaha dziaržaŭnaha miedycynskaha kaledža, «Lasnaja haspadarka» Połackaha dziaržaŭnaha lasnoha technikuma i «Siastrynskaja sprava» Minskaha dziaržaŭnaha miedycynskaha kaledža.
Samymi vysokimi pa krainie prachadnymi bałami vyłučylisia tut «Žyvapis (stankavy)» Homielskaha dziaržaŭnaha mastackaha vučylišča — 45,3 z 60, «Zamiežnyja movy» Linhvahumanitarnaha kaledža Minskaha dziaržaŭnaha linhvistyčnaha ŭniviersiteta — 224, «Dyzajn» Homielskaha dziaržaŭnaha mastackaha vučylišča — 44,8 z 60.
PTNU
22 pazicyi naličvajuć śpiecyjalnasci prafiesijna‑techničnych navučalnych ustanoŭ stalicy z prachadnym bałam zvyš 6 (na padstavie ahulnaj bazavaj adukacyi). Na viaršyni akazalisia śpiecyjalnasci «Kasir» (8,6 čałavieka na miesca) i «Apieratar suviazi. Telehrafist» (8) u Minskim dziaržaŭnym prafiesijna‑techničnym kaledžy śfiery absłuhoŭvańnia, «Kandytar» u Dziaržaŭnym prafiesijna‑techničnym kaledžy chlebapiačeńnia (7,5), «Apieratar elektronna‑vyličalnych mašyn. Apieratar precyzijnaj fotalitahrafii» ŭ Minskim dziaržaŭnym prafiesijna‑techničnym kaledžy elektroniki (7,1), i «Draždžavod. Farmoŭščyk ciesta. Ciestavod. Mašynist ciestaapracoŭčych mašyn. Piekar» u Dziaržaŭnym prafiesijna‑techničnym kaledžy chlebapiačeńnia (7).
15 śpiecyjalnaściaŭ naličvajecca ŭ spisie prafiesijna‑techničnych ustanoŭ stalicy z prachadnym bałam zvyš 6 (na padstavie ahulnaj siaredniaj adukacyi). Na pieršych miescach — «Cyrulnik. Pradprymalnik (indyvidualny)» Minskaha dziaržaŭnaha prafiesijnaha liceja №4 bytavoha absłuhoŭvańnia nasielnictva (7,7), «Malar. Tynkoŭščyk» Minskaha dziaržaŭnaha PTV № 24 budaŭnikoŭ imia M. Kiedyški (7,5), «Apieratar suviazi» Minskaha dziaržaŭnaha prafiesijna‑techničnaha kaledža śfiery absłuhoŭvańnia (7,4), «Vyrablalnik miasnych paŭfabrykataŭ. Povar» Minskaha dziaržaŭnaha PTV № 38 pierapracoŭčaj pramysłovasci (7).