Viaskovych sabak taksama čypujuć

Abaviazkovaje čypavańnie chatnich žyvioł płanujecca ŭvieści ŭ Biełarusi.

Abaviazkovaje čypavańnie chatnich žyvioł płanujecca ŭvieści ŭ Biełarusi.

Heta praduhledžana zakonaprajektam «Ab abychodžańni z žyviołami», jaki byŭ pryniaty siońnia ŭ Pałacie pradstaŭnikoŭ Nacyjanalnaha schodu ŭ pieršym čytańni.

«Čałaviek pavinien vielmi vyrazna zrazumieć, što chatniaja žyvioła — nie plušavy miška, ź jakim možna pahulacca, a potym vykinuć u śmiećcie», — adznačyŭ Kanoplič, kamientujučy zakonaprajekt dla ŚMI.

Mienavita čyp nie tolki dapamoža ŭładalniku viarnuć zhublenuju žyviołu, ale i nie dazvolić vykidvać hadavanca na vulicu.

Dakumient taksama praduhledžvaje, što va ŭładalnikaŭ žyvioł źjavicca šerah abaviazkaŭ. Naprykład, treba budzie zabiaśpiečvać cišyniu ŭ žyłych pamiaškańniach, vyhulvać sabak u hramadskich miescach na pavadku i ŭ namordniku, mieć pry sabie padčas znachodžańnia z žyviołami-kampańjonamipa-za miescami ich pastajannaha ŭtrymańnia (kvater i damoŭ) srodki dla ŭborki praduktaŭ žyćciadziejnaści žyvioł i nieadkładna pravodzić hetuju ŭborku.

Miarkujecca ŭvieści zabaronu na ŭtrymańnie žyvioł-kampańjonaŭ u padjezdach, padvałach i na haryščach šmatkvaternych žyłych damoŭ. Takim žyviołam nielha budzie prysutničać u kramach, na abjektach hramadskaha charčavańnia i bytavoha absłuhoŭvańnia nasielnictva, u škołach, dziciačych daškolnych ustanovach, arhanizacyjach achovy zdaroŭja i inšych hramadskich miescach (za vyklučeńniem sabak-pavadyroŭ).

U zakonaprajekcie niamała miesca nadadziena pytańniam rehulavańnia kolkaści bieznahladnych žyvioł, ich adłovu i dalejšaha ŭtrymańnia, stvareńnia i dziejnaści prytułkaŭ dla žyvioł, a taksama vypadkam pravamiernaha zabojstva žyvioł.

Ciapier u Biełarusi adsutničaje adziny zakon, jaki rehuluje praviły abychodžańnia z žyviołami. Kab papoŭnić hety zakanadaŭčy prabieł, a taksama ŭ suviazi sa šmatlikimi zvarotami ad hramadzian i hramadskich zaabarončych abjadnańniaŭ i było vyrašana padrychtavać adpaviedny zakonaprajekt.

Kamientary da artykuła