Kreml adterminavaŭ Biełarusi apłatu za haz
«Hazpram» i «Biełtranshaz» urehulavali pytańnie cany na
«Hazpram» i «Biełtranshaz» urehulavali pytańnie apłaty za haz, jaki pastaŭlajecca ŭ druhim paŭhodździ 2011 hoda, padpisaŭšy ŭ paniadziełak dadatkovaje pahadnieńnie, zhodna ź jakim «Biełtranshaz» apłacić haz u druhim paŭhodździ hetaha hoda pa 244,8 dalara za tysiaču kubamietraŭ zamiest cenaŭ treciaha i čaćviortaha kvartała ŭ 279,16 i 305,72 dołara adpaviedna, havorycca ŭ paviedamleńni rasijskaha hazavaha chołdynhu.
U paniadziełak, u raźvićcio dasiahnutych 25 listapada damoŭlenaściej, AAT «Hazpram» i AAT «Biełtranshaz» padpisali dadatak da kantraktu abjomach i ŭmovach pastaŭki hazu ŭ Biełaruś i tranzitu hazu praź jaje terytoryju ŭ 2007–2011 hadach.
«Zhodna z dakumientam, AAT «Biełtranshaz» ažyćciaŭlaje častkovuju apłatu pryrodnaha hazu, jaki pastaŭlajecca «Hazpramam» u druhim paŭhodździ 2011 hoda, — pa 244,8 dalara za tysiaču kubamietraŭ, a nie pa cenach treciaha i čaćviortaha kvartałaŭ, raźličanych u adpaviednaści z kantraktam (adpaviedna 279,16 dalara i 305,72 dalara). Apłata pazastałaj sumy płaciažu za pastaŭleny ŭ druhim paŭhodździ 2011 hoda rasijski haz budzie rabicca «Biełtranshazam» štomiesiačnymi płaciažami na praciahu 2012 hoda», — havorycca ŭ paviedamleńni.
Raniej paviedamlałasia, što «Biełtranshaz» apłačvaŭ haz u trecim kvartale nižej kantraktnaj cany i źviarnuŭsia ŭ «Hazprom» z prośbaj ab adterminoŭcy.