Były pamočnik Łukašenki: «Heta nie ekanomika, a samajedstva»
Piatro Kapituła rezka krytykuje ekanamičnuju palityku ŭ krainie.
Eks-pamočnik biełaruskaha kiraŭnika pa ekanomicy Piotr Kapituła ličyć, što ŭ 2012 hodzie VUP Biełarusi nie vyraście, a ŭpadzie.
U intervju, padstavaj dla jakoha stała krytyka Alaksandra Łukašenki ŭ adras navukoŭcaŭ, «Biełhazieta» pacikaviłasia ŭ byłoha daradcy kiraŭnika krainy, prafiesara ekanomiki Piatra Kapituły, ci hatovy jon paspračacca z Łukašenkam.
— Hatovy. Naprykład, z tym, što niechta padkazaŭ Alaksandru Ryhoraviču, što ŭ nastupnym hodzie budzie rost VUP na ŭzroŭni 5%. Na maju dumku, budzie minus. Kali na kožny pracent pryrostu VUP patrabujecca emisijnych kredytnych srodkaŭ u dva razy bolš, čym abjom rostu, to heta nie ekanomika, a samajedstva.
Sioleta adnojčy abviaścili ab dasiahnieńni dadatnaha salda zamiežnaha handlu. A što za im? Administracyjnyja abmiežavańni na kuplu valuty.Kolki zbankrutavała kampanij, jakija płacili zarpłatu, padatki, pošliny ŭ kaznu!
Niadaŭna pračytaŭ, što za apošnija 2–3 hady z krainy štohod vyjazdžała 150 tys. samych vysokakvalifikavanych śpiecyjalistaŭ. Heta ŭsio vynik makraekanamičnaj niestabilnaści. Z kim paśla hetaha rabić navuku? Z kim rabić ekanomiku?