Nazarbajevu mohuć prysvoić zvańnie Narodny hieroj
«Heta samy važny dakumient, jaki ja kali-niebudź padpisvaŭ», — zaznačyŭ prem'jer-ministr Kazachstana.
Prem'jer-ministr Kazachstana Karym Masimaŭ vyłučyŭ kandydaturu prezidenta Nursułtana Nazarbajeva na prysudžeńnie najvyšejšaj dziaržaŭnaj uznaharody — Narodny hieroj.
Adpaviednyja dapaŭnieńni ŭ zakon «Ab dziaržaŭnych uznaharodach» ahučyŭ siońnia na pasiadžeńni ŭrada ministr justycyi Rašyd Tusupbiekaŭ.
«Prem'jer-ministr Karym Masimaŭ prapanavaŭ na zakanadaŭčaj padstavie prysvoić zvańnie pieršamu prezidentu krainy Narodny hieroj z uručeńniem jamu „Załatoj zorki“ i ordena „Atan“. Prezident budzie vałodać statusam Narodnaha hieroja», — skazaŭ R. Tusupbiekaŭ. Jon adznačyŭ, što dziaržuznaharoda prezidentu ŭručajecca,
uličvajučy histaryčnuju rolu N. Nazarbajeva ŭ stanaŭleńni niezaležnaj dziaržavy.
Urad respubliki padtrymaŭpapraŭki i adpraviŭ ich na razhlad deputatam sienata parłamienta.
«Heta, napeŭna, samy važny dakumient, jaki ja kali-niebudź padpisvaŭ»,
— zaŭvažyŭ K. Masimaŭ, staviačy podpis pad papraŭkami.
Čytajcie taksama:
Kamientary da artykuła